اجمل حارة حارتنا
واجمل طفوله ايام زمان
كان اول فيه واحد يمشي بعربه ( عربه اسمنت ) هالعربه فيها من الخلاقين والاكسسورات والخرابيط ،، اسم هالبياع عندنا ( فرقنا ) لييييه هاللقب الله العالم . لدرجه سألت امي الله يحفظها لنا ليه تسمونه كذا ايام زمان قالت ماادري ، عاد انا لهلوبه وفسرتها ( الفريق ~> الفريج ) وهو يدوج بالفريق وسموه فرقنا شكل هالاسم جاينا من دول الخليج المجاورة .. وكانو وقتها البياعين ( يمانيين ) .....
مره من المرات كنت جايه من المدرسه وكنا قروب بنات نجي مشي من الحارة الي فيها مدرستنا الى حارتنا الي فيها قصرنا ههههههه المهم وحنا نوقف (فرقنا )عاد محسوبتكم راعية سوالف وهو يعرفني حتى يعرف اسمي من كثر ما امي تشاورني وتعالي يافلانه وهذا مقاسك يافلانه .. الزبدة وانا منهمكه بالسوالف مع خوياتي ومع (فرقنا )تعبت من شنطة المدرسه وحطيتها على العربيه ونسيتها ورحت للبيت ( وفرقنا ) راح يدوج بعربانته وشنطتي معه .. المهم اني وصلت البيت وغيرت مريولي وتغديت و اتذكر تهاوشت مع مرة ابوي وبعدين ابوي هاوشني وقال روحي حلي واجبك .. واروح ادور شنطتي منا مناك واروح اطق بيوت جيرانا ادور شنطتي .. المهم اني تذكرت انها مع ( فرقنا ) ونركب السيارة انا وابوي ونفتر ندور ( فرقنا ) مالقيناه ،، وغبت اليوم الي بعده .. وعاد انا اقوم من الصبح دوام ولا اجازه ورحت للبقاله الا (فرقنا ) يناديني باسمي ويقول هذي شنطة منو يابت .. وانا افك عمري عليه واسلم عليه هههههههه شكر شكر بس والله وانا اخذ شنيطتي وابشر امي وتنادي امي ( فرقنا ) وتشكره بس ترا شكرها عشرة اريل ههههههههههه
بقلمــــQueenـــي