الصاحب اللي ما سأل عنّي ولا أهتم لبكاي
ما حدني ربي اداري خاطره وابكي معه
والمشكلة المشكلة .. لا من طعني من وراي
وانا اكتم الصرخة أخاف يهل -لأجلي- مدمعه !!!
علـّيت قدره بالشعر ابيه يوصل مستواي
بسّ الدني دايم دني مهما تحاول ترفعه
انقال عنـّه معجزه اللي قدر يكسب رضاي
وانقال عنـّي عاااااشقه والروح في رهن اصبعه
أما اعشقه ...!! الا يهبا.. ما طال لو ريحة غلاي
المسك غالي... والا نفخ الكير صنعة مصنعه
انا اللي كنت ازرع لغيري راحته ../.. أجني شقاي
أنا اشهد انه هالزمن إما يطيعك .. أو طعه
يا قلب تبطي مالقيت اللي يبي قربك / سواي
من يشتريك اشره ومن خلاك للفرجة ../.. بعه
الغول والعنقاء والخل الوفي + هواي
صاروا بعيني مستحيلات الزمان الأربعة
صدَّقت بالله ما خِـلِق فالأرض من يصدق معاي
وآمنت بأنه .. غير وجه أمي ...... مجرد أقنعه