المشاركة الأصلية كتبت بواسطة رضوان

الله يعافيك شجون


بالنسبة لتنسيق الصفحة روحي على تبويب "تخطيط الصفحة" اللي فوق, هذا فيه الأشياء اللي تتعلق بتصميم الصفحة بشكل عام من هوامش وزخرفة حدود وهل الصفحة أفقية ولا عمودية وغيرها.


الصورة تضيفيها عن طريق تبويب "إدراج" اللي جنب "تخطيط الصفحة" وتختاري "صورة" وتحطيها في الملف
بعدين تحددي الصورة وتروحي تبويب "تنسيق", أو تضغطي على الصورة ضغطتين وهو يروح على "تنسيق" تلقائيا, في قسم من الأقسام اسمه "ترتيب" تضغطي على أيقونة "الموضع" وتختاري وين تبغي الصورة تكون مع التفاف النص عليها, عشان ما تحوس النص.


نقاط التعداد تقدري تلغيها بإنك تحدديها, بعدين في تبويب "الصفحة الرئيسية" تروحي قسم "فقرة" ومن قائمة تعداد نقطي تختاري "بلا" وراح يختفي التعداد
ملاحظة: "لما تجي تحددي حددي بس النقاط اللي تبغي تلغيها, لا تحددي أي شي ثاني, لما حددت النقاط وحددت معاهم جزء من السطر اللي فوقهم ما ضبطت الحركة"


بالنسبة للحقوق ملف البي دي أف أفضل, لأن الوورد فيه طريقة بس تعديلها سهل من أي شخص يفتح الملف
عموما الطريقة هي إنك تروحي إلى أقصى أسفل الصفحة وتغطي ضغطتين, وراح يفتح لك تعديل تذييل الصفحة وفي نفس الوقت راح يفتح لك تعديل رأس الصفحة, وأي شي تكتبيه في رأس الصفحة أو تذييل الصفحة راح يظهر في كل الصفحات


لو في أي شي غير واضح خبريني