اللهم لك الحمد.
انا رحت يوم الاربعاء قبل العيد اقصد قبل نهايه الدوامات وعدلت الوثيقة + السجل الانجليزي.
اول ما توصل للجامعة تتوجه مباشرة الى مبنى القبول والتسجيل (خلف مبنى الدراسات العليا و امام مبنى الادارة) وعطهم الوثيقة + السجل الانجيليزي وراح يقولك الموظف تعال بعد ساعه تطلع من الجامعة وتروح لشارع اسمه شارع الجامعة كله كفيات ومطاعم افطر او خذلك لك كوفي بعد كذا ارجع للجامعة وخذ الوثيقة والسجل وتروح لكلية التربية من الجهه الخلفيه راح تحصل مطعم اطلع للدور الثاني وبتلقى مكتب صغير للتصوير عط العامل الوثيقة خله يصورها ٥ او ٦ نسخه والسجل الانجليزي ولا تنسى بعد السجل بالعربي صورها معها وخاصه للناس الي جتهم الوثيقة بالبريد علشان تختمها طبق الاصل وبعدها ترجع للموظف في مبنى القبول والتسجيل وراح يختم ٥ او ٦ نسخ عادي ما يقول شي واحيانا يعطونك الختم ويقول ختمها لاني شفت طالب ماسك الختم ويختم اوراقه.
الاحساء مدينه جميله فيها اسواق ومولات يعني لو تجلس فيها ليوم او يومين عادي ما تطفش وخاصه الناس الي جايين من مكان بعيد.
المشوار من الرياض للاحساء راح ياخذ منك تقريبا ساعتين فقط انا رحت ورجعت اليوم الثاني.
جامعة الملك فيصل جامعة كبيرة ومن المفترض تسمى مدينة الملك فيصل الجامعية لانها فعلا جامعة كبيره.