السلام عليكم ورحمة الله وبركاته
كيفكم اخواني واخواتي
انا اليوم رحت لهيئة التخصصات الطبيه بالرياض
بحي السفارات
واخذت منهم خطاب التدريب وقالو ليه روح اي مشفى
وتدرب وبعد ثلاث شهور تجينا
قلت انا اروح اي مشفى والا انتم ترسلوني
قال لا روح اي مشفى قريب منك واذا ماقبلوك ارجع لنا
وقول لنا اسم المشفى واحنا نتفاهم معاه
وبعدها اخذت الخطاب وعلى ثلاث مستشفيات
وكلهم رفضو الاول اعرف واحد بالمشفى وماقصر راح وياي
وكلم مدير الخدمه الاجتماعيه ورفض يقول يقول انا مقفل
الموضوع يجيني غيرك وبيدرون اني قبلت صاحبك وبيحرجوني
على كلامه عنده امكانيه بس مايبي يقبل احد صراحه غثني
اما المشفى الثاني قالي بس قسم نسائي
والثالث قال موقفين التدريب من فتره عشان الكرونا
وشكلي برجع للهيئه وبشوف وش يصير معاهم
المستشفيات بشرق الرياض
فياليت الي يعرف مشفى بشرق الرياض يدرب يقولي