المشاركة الأصلية كتبت بواسطة أم رغد 2012

الحين وضح الأمر ... كان أول الدكتور الهويشل بعدين تغير للدكتور التركي بس طلب منكم كتاب جديد بالنسخة الألماسية
نحنا التركي طلب نسخة جولدن للشرق الأوسط 2007 قديم و أنتم غير الكتاب لنسخة أحدث
فما أقدر أعطيكم اللي عندي لأن الكتابين مختلفين تماما .. لما كنت أدور على طبعة الجولدن كانت شحيحة في السوق لأنها قديمة و الموجود الألماسية و اطلعت عليها لقيتها مختلفة تماما .. حظكم إن الكتاب متوفر تلاقوه في جرير و العبيكان






مين قال الكل يسبه ... كان من الدكاترة الجيدين اللي مروا علي ..


اللي أقدر أقدمه لك و لدفعتكم بعض التوجيهات اللي تساعكم في اجتياز المادة


اللي سبوا الدكتور في الأساس ما عرفوا نوعية المادة و خلطوا بينها و بين مادة القراءة مستوى ثاني و هنا حصل اللبس ..
المادة جميلة جدا و ممتعة أنت الحين بديت تتخصص في اللغة و طبيعي تكون موادك بالإنجليزي و هذي المادة تساعد الطالب على فهم اللغة بأقل استعانة ممكنة من القواميس تعطيك الطريقة و الكيفية لفهم قطعة باللغة الإنجليزية .. فالقطع عبارة عن أساس التمرين و عليه تمارين لكيفية فهم الكلمات الغامضة تطبقها .. الدكتور يعتمد على الكتاب بشكل كلي و حط تحت كلمة كلي مليون خط .. محتوى الدكتور عبارة عن أرقام الصفحات
تاخذون 6 فصول من الكتاب و في المحاضرة عند التمرين يطلب منك توقيف الفيديو و تحل التمرين بنفسك بعد ما يكون الدكتور شرح القاعدة أو الاستراتيجية و بعد ما تحل لوحدك كمل الفيديو و قارن حلك مع حل الدكتور .. المحاضرة طويلة يمكن تاخذ 45 دقيقة ... حضر اقرأ المطلوب قبل من خلال معرفتك بأرقام الصفحات و حل لوحدك و بعدين قارن حلك مع الدكتور إذا أنت ناوي فعلا تفهم و تتطور نفسك في اللغة بتستمتع مع هالمادة


قبل الاختبار و يفضل قبها بأسبوعين أو 3 قسم المنهج على الوحدات مو على المحاضرات يعني كل يوم احفظ كلمات الفصل كامل و حل تمارينه و من الغد الفصل اللي بعده مع مراجعة فقط كلمات الفصل السابق .. ياخذ منك أسبوع بالراحة لأن معاكم 6 فصول فقط ..


الدكتور جدا جدا متعاون لأبعد حد يرد على الإيميلات .. كان يرد علينا حتى يوم الاختبار و حتى بعد الاختبار كان يرد إذا كنا شاكين في سؤال .. و يشرح النقاط اللي مو فاهمينها في المباشرات .. هو الوحيد اللي حضر لنا 5 محاضرات مباشرة عشان يفهمنا ( طبعا المطلوب في الدرجات ال 3 مباشرات الأولى فقط )


و اختباره الجواب من الكتاب اعطانا تمارين من الكتاب و أسئلة من الاستراتيجيات ( احفظوا القاعدات اللي بالمستطيل عليها أسئلة فراغات ) و أسئلة عن اللواحق كلها من الكتاب و عطانا قطعة خارجية كلماتها من كلمات اللي عندكم في الفصول بس فيه 3 كلمات خارجية طريقة حلها بتطيق القاعدات عليها هذي يختبرك فاهم و لا لأ .. الباقي لو ذاكرت و حليت الباقي بتنجح أكيد و يمكن تاخذ a أنا أخذت عنده a و كنت قريبة جدا من a+ و مستواي كان مبتدئ .. لا تضيع وقت الاختبار في قراءة القطعة شوف المطلوب في السؤال و طبق القاعدات اللي أخذتها
أرجع و أقول هذي مو مادة قطعة قراءة لأ .. هذي كيف تفهم النصوص باللغة الإنجليزية هتستفيد منها في فهم المواد في مشوارك في المستويات المتقدمة


و ترا عندكم في مستوى رابع مادة النثر الإنجليزي قريبة الشبه في مادة قراءات و استراتيجيات قطع و كيف تفهم كلماتها و قواعد جديدة


المادة جدا ممتعة و الدكتور متعاون لا تشيلون هم بس المهم تذاكروها بدري ما تخلوها لأيام الاختبارات .. إن شاء الله التوجيهات هذي تفيدكم و تنفعكم و لا تسمعون للي يسبون المادة لأنهم كانوا يجهلون طبيعة المادة .. كثير عنده أخذوا a و فيه a+


وفقكم الله في دراستكم .. و عذرا على الإطالة