2015- 10- 9
|
 |
متميز بالمستوى الخامس - إدارة أعمال
|
|
|
|
صباح يفزفز شعوري يغنّي .. ينكتب عنوان :
صباح الضيق يا جرحي .. صباحي ممتلي أحزان .. .. .. .. .. .. صباح الحزن لا هل السحاب و امطرت غيمة! صباح يفزفز شعوري يغني .. ينكتب عنوان: .. .. .. .. .. ..إذا قالوا "مطر عذب" وتغنت للوفا ديمة! صباح الجرح .. وعيون الحبايب تسأل الحرمان .. .. .. .. .. ..عن الضيق وتناهيد الفراق وحشرجة ضيمه! يا صوت الريح يا حزن المطر يا رعشة الشريان .. .. .. .. .. ..تجي كالطيف في بالي .. كأن الصبح ترنيمة! صباح يلملم الذكرى .. حكاوي الود والتحنان .. .. .. .. .. ..يفز الجرح يا حزني ويعلنها مراسيمه! فمان الله يا ريحة هلي .. يا الماضي اللي كان .. .. .. .. .. ..فمان الآه .. مابعد المفارق .. مابقى قيمه! ذبل لون الصباح وطحت من طولي وانا تعبان .. .. .. .. .. ..وكن الصبح وجروحي بلا نخوه ولا شيمة! هنا والفجر ياخذني خفوق منكسر ذبلان .. .. .. .. .. ..ألا يا ليه مجروحه ..؟ عظيم الحب توهيمه! صباح أوجاع ذباحه بهزه زعزعت أركان .. .. .. .. .. ..تزعزع كل أوجاعي .. يصيح الصدق تعظيمه! تراتيل الأذان اللي يزعزع أربعة جدران .. .. .. .. .. ..ويعلن توبة العاشق عن الماضي وتوهيمه! أنا بسألك يا ربي .. أيا معطي .. أيا منان .. .. . ... .. ..تدواي جرحي الظامي وترزقني الصبر شيمه!
|