|
الي حصلوا على بطاقة الهيئة تعالوا شوفوا وش صار لي!
بقولكم كل قصتي طبعا انا تدربت في مستشفى القطيف المركزي وخلصت من تدريب من شعبان رحت للهيئة فكرت ان مابحتاج اختبار لانهم عطوني ورقة تقييم وعبأها الاخصائي ان تقييمي ممتاز
لكن لما رحت الهيئة تفاجاءت ان لازم اختبر ودفعت ل5 سنين 1700
قالوا مستشفى الملك فهد التعليمي بالخبر رح يتواصلون معاك ويحددو لك يوم الاختبار
ورحت بشهر شوال واختبرت طبعا هو مو ورقي هو تقييمي بس الاخصائية ماعندها اخلاق ابد
كلما اشوف حالات واعبي استمارة الحالات مايعجبها شي تقولي ابي مرضى غير امراض وراثية وفشل كلوي وغيبوبة طيب من وين اجيب لك تخيلوا اركب وانزل فوق 10 مرات وعبيت فوق 6 حالات ومايعجبها شي
تقولي جتني وحدة احسن منك قلت المفروض ماتقولي كذا المفروض تشجعيني لكن احبطتني ماله داعي تقول هالكلام
وتالي قالت لي انتي لو تجين عندي مقابلة شغل والله مااقبلك ولاأوظفك تعبت وانهرت
تخيلوا من 8 وربع الصبح بالمستشفى ولاطلعت الا 2 ونص كل راكبة ونازلة لاأكل ولاصلاة ولاارتحت
بالاخير قالت لي بشوف اوراقك واذا عجبني برفع اوراقك للهيئة
فكرت ان بترفع اوراقي للهيئة لان دافعين لهم فلوس لكني تفاجاءت من اسبوعين دقيت ع الهيئة وعطيتهم رقم الهوية
قالوا ان ماانرفعت اوراقي وان فشلت في الاختبار ولازم اعود ادفع من جديد سالت الموظفة كم ادفع قالت تبين تعالي اسالي الهيئة؟
الي ابي اسالكم ان في مكان اقدر اختبر فيه في المنطقة الشرقية لتخصص علم اجتماع غير مستشفى فهد التعليمي بالخبر ؟ وهل اقدر اختبر في مستشفى الامل؟
واذا بعود ادفع كم ادفع رسوم بالضبط والله كارهة اروح هالمستشفى من اسلوبها معاي ابد مارتحت وافكر بمستقبلي طلع لي بمستشفى خاص وقالوا بينتظروني ليما اطلع بطاقة الهيئة
ساعدووووني رحم الله والديكم
والي تعرف احد يطلع لي بطاقة الهيئة حتى لو بفلوس لاتبخلوا علي
التعديل الأخير تم بواسطة bissan ; 2015- 10- 12 الساعة 12:38 AM
|