|
رد: مٱ دٱم ٱلرگن هٱدي ولابه عبث وإزعٱج ,,نويت أرگن هموم ٍ من ٱلدنيٱ تزعجنـي
روح في دربك وأقول الله معاك
صعب تفهني وأنا صعب أسمعك
ألتقينا بكل شي إلا هواك
وأتخذت أصعب قرار أودعك
الغرور اللي سكن قلبك أعماك
تحسب أن الحب خاتم بأ صبعك
حبي الخايف رغم خوفه حماك
وصدقي نزلني ولكن طلعك
كنت أحسب أن الهوى كله وفاك
مطمعي حبك وحبي مطمعك
كنت أشوف الغيم يركض في سماك
وكنت أشوف الورد يتلاعب معك
كنت أشوف الشمس شمعه في ضياك
ومطلع أبيات القصايد مطلعك
كنت في عيني هوى روحي ملاك
صورك رب الخلايق وأبدعك
دوم تجرحني ومشيها معاك
دوم تنثرني وأنا دوم أجمعك
لأن حبي كان أصدق من خطاك
كنت أنا أكبر من مجرد أخدعك
كنت أفكر كيف أنا أوصل رضاك
كنت أحاول في هوايه أقنعك
لكن الأيام ورتني قساك
ماقدرت أقول كلمه تمنعك
أنتهى حبك وقلبي قد نساك
ياخسارة عمري اللي دلعك
لا أنت من ثوبي ولاني مستواك
خل هذا الكون كله ينفعك
|