.




مساء الخير
كيفكم شخباركم <




مممم ابي اقولكم موقف صار وبصراحه ندمت بس وقتها
كنت معصبه حيل حيل حيل وابكي من جوا..
حصلت شغله بسيطه من بزر ابو سنتين.. لشي من اغراضي
المهم زبده السالفه كان لازم احرق هالشئ او ادفنه بمكان نظيف وبعيد
وقلت احرقه افضل ..وجبت بانزين و جرايد وحطيته و تميت احرقه شوي شوي
وكانت تجي البسه حقتي واختي الكبيره واقفه معي البسه تقرب تحسبه اكل
وانا معصبه مره قلت لاختي بعديها الله ياخذها
هذي البسه طبعاً حكيت لكم عنها ومن هي صغيره تقريباً عندنا
لسه من اسبوعين صايره تعرف تطلع الجدر و البيوت وكذا
احبها حيل والله يعني من رمضان يوم امشي بالحوش قبل الفجر احصلها تطالع فيني ولا
تجيني تبي تلعب للمعلوميه انا ولا مره مسكتها اخاف منها بس حيل ارحمها
المهم نرجع للموضوع..
طبعا صارت حريقه بسيطه ورا بالحوش لان حضرتي اكب بانزين ع الورق مولع
و احترقت العلبه ما كان فينيي الا ارميها يوم رميتها انكب بانزين وبدا النار تولع
زاد خوفي اكتر دخلت داخل اجيب ماي وكل الصغار موجودين حريقه حريقه
ونا راجعه بسطل مويا شفت اخواني الكبار يحاولون يطفونها وطفت بعد محاولات الحمد لله
طبعا ما اخذت لا هوشه ولا شي لان اصلن شايفني معصبه جدا




طيب و البسه ايش صار فيها ؟
هي يوم شافت النار كذا ولعت هربت عاد بالليل لقيتها بمكانها كالعاده
تاني يوم حلمت فيها انها كانت بمكان محبوس بالمطبخ
وكنت اصلح الدروج و جلست مع امي بالمطبخ شفنا رجولها
وبعدين البسه طلعت لنا وكانت حيل تعبانه و نحفانه وكان بيه لحم كنا نقطعه للغدا
جات اكلت منه و طلعت للحوش ..


الي حصل ان بنفس هذا اليوم الظهر < تاني يوم بعد الحريقه
جو عيال خيي و اخواني الصغار من المدرسه حصلوها ميته يم سيارة ابوي
ولمن سالوه قال دعستها بدون قصد لان م شفتها
تذكرت دعوتي ع طول الله ياخذها..




الحين مافي بسه اخذ صدقه فيها
والحين في قطط اخوانها لكن بحوش السواقين
مو متقبله اي واحد فيهم ابي بسسستي