|
رد: بعيداً عن الجامعة شوي تعالوا نرسم خططنا
اقتباس:
المشاركة الأصلية كتبت بواسطة moubark
وعليكم السلام ورحمة الله وبركاتة
موضوع جميل ومحفز من وجهة نظري اذا نظرنا له من منظوور تفأول
بالنسبه لشهادتنا باذن الله معترف بها وامورها تمام
خويي استفاد منها بترقية .... فيه اعضاء كتبو تجاربهم منهم انقبل بعثة وكمل ماستر برا وفيه ناس توظفوا
انا خطتي الي رسمتها والله يسهلها علي اني اكون جاهز للماستر قبل الوثيقه
الجهوزيه تكون في اختبار القدرات الجامعيين وستب الانجليزي ..الحمدلله اختبرت قدرات قبل كم يوم كان جميل ..اذا الدرجه مااعجبتني لي اكثر من محاوله قبل التخرج
على حسب بحثي السريع فيه اكثر من جامعه في السعوديه تقبلنا نحن طلاب الانتساب اولهم جامعة القصيم وطبعا دراستنا بتكون انتظام
اكيد اذا تخرجنا وفيه وقت نحاول نزيد فيه مهاراتنا في الانجلش واي دوره ممكن نستفيد منها علميا
بالنسبه للتخصصات للماستر الي اتمناهم مشاريع اولا الجوده ثانيا وبعدها اي تخصص في ادارة اعمال
اسأل الله ان ييسر لنا ونفرح قريب بالتخرج .. اعتذر على الاطاله |
حياك الله اخوي مبارك الجمال نابع منك الله يسعدك
وبخصوص اعتراف الشهادة هذا خالصين منه الحمدلله الشهادة معترف بها ولا فيها اشكالية ومثل م قلت
الموظفين راح تفيدهم ب الترقية ، اما بخصوص الجامعات من خلال بحثي في اكثر من جامعة تقبلنا الحمدلله
مثل م تفضلت انت جامعة القصيم - جامعة الباحة - جامعة الملك عبدالعزيز واظن جامعة الملك خالد
اذا م خاب ظني والجامعات خارج المملكة بعد
بس بخصوص تخصص الماستر التخصصات اللي تكلمت عنها موجوده بجامعاتنا ؟
للاسف م اتوقع لان قبل بحثت وماحصلت غير تخصص ماجستير ادارة اعمال وماجستير نظم معلومات اتوقع
ف ياليت اذا موجوده تقول لنا اسم الجامعة الموجوده فيها طبعا اتكلم عن جامعات السعودية
والا برا اكيد التخصصات متوفره وبكثره ، لكن للاسف الابتعاث ع برنامج الملك
له شروط تعجيزيه من ضمنها شرط العمر يعني قليل جداً اللي يقدرون يبتعثون عن طريقة
مافي الا عن طريق الحساب الخاص
والله يكتب اللي فيه خير ويحقق لك امانيك 
|