|
البارحــة .. ابن فطيــس
مـدخــل ،،
 درب عليه بروق الأحباب لاحت
جيت المكان اللي جمعنا وخفيت وقامت جروحي للجوارح وصاحت
والتم غيم الدمع من يوم لفيت ورقا القصيد لشوفة الغيم ناحت
ياليتني في لفة الدرب زليت كان العيون من الدموع استراحت
وضحكت ماأبغي الناس تدري يبالفيت لكنها غصب على العين ساحت
حارت دموعي في عيوني وصديت وأرمشت ابيها ماتبين وطاحت
وعقبه برق في العين براق واسقيت خدي وناتي بصدري تلاحت
وأنا أحسب إني في فراقه تعافيت وان عبرتي من مدخل الزاد زاحت
اللي يحسب إني على البعد سجيت والا ان عيوني للرقاد استباحت
ياليتني من قبل لا أحبه اقفيت وان دروبي عن دروبه تناحت
أهون علي من البكا والتناهيت وأشلا من سدود على الناس باحت
عرفت كيف الحي يفرق عن الميت وعرفت قيمة نعمتي يوم راحت
قولوله اني عقب بعده تدانيت ورجلي عن دروب المعافين شاحت
البعد نار وطاعة العذل كبريت يقصر على بعده ترى الكبد فاحت
مخــرج ،،
التعديل الأخير تم بواسطة Dr ʀeнαв ; 2015- 10- 17 الساعة 12:58 PM
سبب آخر: تعديل الصور
|