الوقت يمشي و الحزن فالصدر تعداده يزيد
العمر صفحه و انكتب في صفحته وجه و قفا
بيني و بين الحب نظره من بعيد ليا بعيد
اشوف في قربه دفا لو كان ما احس بدفا
ماهو غريب اضحك مع العالم وانا قلبي وحيد
ألا الغريب الجو لين الحين ما أشوفه صفا
عايش على الأحلام و الأحلام في حسابي رصيد
منها اكتفيت و حزني الجبار توه ما اكتفا
يا ناشده عن حالتي ما عاد في الدنيا جديد
الا بقايا الشوق تحت أنقاض جدران الجفا
ما ادري متى يمشي معاك الحال يا الحظ العنيد
و أقول زان الحال فالأيام و الغايب لفا