ملتقى طلاب وطالبات جامعة الملك فيصل,جامعة الدمام - عرض مشاركة واحدة

تشتيت جامعي · #1 2015- 10- 20

صباح / مساء الخيرات والدولارات

اتمنى ان تكونوا بتمام الصحه العافيه , سواء من يعرفني او لايعرفني

اليوم كنت " اوضب" مكتبتي وشفت ملخصات جامعتي و هزني الشوق عند تذكري ايام الخوالي

يااااااااااااااااااه كانت ايام

مشاعر مكس والله

لما اخذت فره بالمنتدى خصوصا قسم ادارة الاعمال بما اني تخرجت منه, وشفت مشاكل الاعضاء واسئلتهم بعضهم تايه بعضهم ماشي مزبوط بعضهم يرد بعضهم يناشد
تذكرت ايامي مع اخواتي و اخواني
كيف كنا متعاضدين متكاتفين
ماتمر صغيره و كبيره الا و فتحنا لها موضوع

ترا حتى سالفة " سمعنا يقولون " نفتح لها موضوع ونناقش وش يقولون

حقيقه لولاهم بعد الله ماكان تخرجت بنسبه جيده ( جدا)
بالاضافه الى جهدي سلامات عاد ترا كنت اذاكر حيل

ممكن تشوفون موضوعي مجرد خاطره او مجرد سالفه عابره

لكن المغزى من موضوع

هو انكم تتكاتفون جميعا وتساعدون بعضكم , ولا تحتفظون بمعلومات ربما هي صغيره بنظركم
كونوا معطائين لبعضكم وتذكروا قوله عليه الصلاة والسلام " المؤمن اخو المؤمن كالبنيان المرصوص"

على فكره بعض الشيوخ يقولون الحديث الي ذكرته من شوي ضعيف والصحيح هو " المؤمن للمؤمن كالبنيان يشد بعضه بعضا"

عاد مادري والله وين الاصح لكن اهم شي وصلتكم الفكره