ملتقى طلاب وطالبات جامعة الملك فيصل,جامعة الدمام - عرض مشاركة واحدة - متنوعة {{ مجلس الدوري السعودي-الجوله الرابعة

child smile · 2015- 10- 26

اقتباس:

المشاركة الأصلية كتبت بواسطة عيون سحاب

بالنسبة للمباراة أمس من وجهة نظري التعاون لعب أمام فريقين الهلال و الحكم الداهية !
كلكم بتعليقاتكم لاحظت فرحكتم وهذا من حقكم طبعاً ولكن !
هذاك الأسبوع عندما تكلمت عن مباراة النصر و الأهلي قلتوا أني هضمت حق الأهلي وكان أحق بالفوز وووو !
والآن ألم تهضموا حق التعاون !
هدف تسلل للهلال ! أخطاء تحكيمية فادحة ! ضربة جزاء لم تحتسب للتعاون ! كروت صفراء لم تظهر للاعبين الهلال ! فاولات صريحة جداً و الهويش ولاكأنه مفتح عيونه !
بالأمس أو بالعام الماضي عندما أخذ النصر الدوري ذكرتوا أنه أخذه بالتحكيم والدفع الرباعي !!
و مارأيناه بالأمس ماذا يسمى ؟

لك حرية التعبير ولكل شخص وجهة نظره ولكن لاحظت من ردودكم التعاون أنظلم ،، قدم مستوى مميز جداً ومثل ماذكرت عنه جرئه و لو أن الحظ متوافق معه بالأمس كان قد فاز 3 بدون الظلم التحكيمي و احتساب الهدف التسلل !

تحيآتي و تقديري لكم ..~

ومن وجهة نظري

محد هضم حق التعاون تكلمنا امس التمييز كان من جانب الحارس اما اللاعبين ف لعبهم عادي بما انهم
يلعبون ضد فريق كبير ولا يعني انهم لازم يفوزون او يعتبرون انظلموا هذي نقطه

ثانياً الهدف الأول صحيح لا الحكم رفع الرايه ولا اللاعبين احتجوا وهذا دليل كافي هذولي كلهم من قلب الحدث
بينما نحن مشاهدين من بعيد وطبيعي ان ادواردو او اي مهاجم مكانه راح يتقدم ( بعد لعب الكوره )
عشان يسدد اما وقت لعبها ف ماكان في موقف تسلل مدافع نادي التعاون كان متقدم عليه والتسلل
يحسب على لحظة لعب الكوره وليس عند استلامها

ثالثاً ركلة الجزاء تمام فيه ركلة جزاء ضايعه للنادي التعاون وهذا شيء وارد ماهو اول فريق تضيع عليه
بخطأ تحكيمي والأكيد أنه خطأ غير متعمد ولو احتسبت ودخلو هدف حنا طلعنا ب 3 اهداف
وكورة سلمان الفرج لما ضربت بيد مدافع نادي التعاون ماصايحنا فيها ركلة جزاء عارفين انها بالغلط وماهي عمد لذا حنا مانفرح ع ظلم الفريق اللي يلعب معنا

رابعاً الهدف الثالث مافيه تسلل لانو انلعب بنفس طريقة الهدف الأول يعني احتجاج رئيس نادي التعاون
واحتجاجكم مافيه صحه الا ركلة الجزاء اما غيره ف لا وعيدو متابعة الاهداف واقرو القوانين برضو
ومافيه مقارنه بين مباراة نادي النصر والاهلي وبين الهلال والتعاون .

وايه من ناحية الكروت الصفراء ف الحكم مسلك للفريقين بس كل واحد يطالع اللي يبي ويترك اللي مايبي