2015- 10- 27
|
#5
|
أكـاديـمـي ألـمـاسـي
|
رد: •ღ•ღ محراب ثرثرة وفي بطبعي .!•ღ••ღ••ღ•
أبي أتونس دامني فوقها حي
محد خذا غير الشقا من حياته
تركض بها من طلعة الفجر والضي
إما ممات الذيب وإلا غناته
نزعل ونرضى والنتيجه ولاشيء
ماغيركثر امراضاها والشماته
والعافيه كل مالها تنقص شوي
بكره تثلث خطوتي مع عصاتي
ولاتلقى من يسقيك كاسة المي
شايب اليا وقف تعثره عباته
ولاينفعك لاورع جبته ولاخي
حتى عجوزك تمرضك من شفاته
مادامها خضراء ومتوازنه لي
والشيب مالون حجاجي وفاته
أبي أطرب راسي وحاب أهنيه
وقت الشباب وهذي والله حلاته
دامني بدرب الحق ومجنب الغي
ولاصلعت ربك يزين مماته
ترا النهاية قطعت قماش ملوي
محد شراه وجهزه في وفاته
بالمغسله محطوط قبلك ومشري
ومال(ن) جمعته بيد غيرك وصاته
يعني على قولة أهل الشام ياخطي
حتى الكفن تالي حياتك شحاته
|
التعديل الأخير تم بواسطة وفي بطبعي ; 2015- 10- 27 الساعة 07:46 AM
|
|
|