السلام عليكم ورحمة الله وبركاته
أسعد الله ايامكم بكل خير
قصيدة جميله مع مقطع أحببت نقلها لكم
يا ما حلا دلة أمي تسويها
تجلي عن الكبد حر سببه احراق
ان اقبلت كن نور الشمس كاسيها
وان ادبرت نص ساعه لشوفها اشتاق
احب شوفهـ وقلبي دوم مغليها
كملها ربي بحسن وزينت اخلاق
ربي جعل جنته من تحت رجليها
من عظمها زاد حبه داخل اعماقي
لاضاق صدري وضمتني بياديها
يروح ماحس به في داخلي ضاقي
لو روحي فدوة لها ماني مجازيها
ياكيف اغطي بديني نور الاشراق
تسهر على راحتي والنوم جافيها
لو ابكي دمعـ(ن) بكت دم من اشواق
حب صدوقـ وصادق في معانيها
قلبي على شوفها بالحيل تواق
يمه دخيلك عن الدمعه وطاريها
لاشفتها فوق خدك كنه ساقٍ
كن السما ضاقت بنفسي واراضايها
مالي مقر بها لولا الله الباقي
كلن تغزل ولكن مايسميها
وانا بقول ان أمي آخر اشواقي
ادعي نهاري عسى ربي يخليها
عساه يومي قبل يوم به فراقي
واخر كلامي يامزعل امك ارضيها
ان كانك تخاف يوم الساق بالساق
ولاحياتك ندم لاتعد ماضيها
هذا كلام كتبته وجفت اوراق