ملتقى طلاب وطالبات جامعة الملك فيصل,جامعة الدمام - عرض مشاركة واحدة - نتائج ومباريات { مجلس نقآش الدوري السعودي " الجولة السادسة " ،، حيآكم } ،،.~

عيون سحاب · 2015- 11- 4

اقتباس:

المشاركة الأصلية كتبت بواسطة Perf Manal

الهلال بمباراة اليوم مايعاني من مشكله الا بالخطه اللي مشى عليها دونيس من مباراة لخويا وصارت مكشوفه
ولا قدر يزيد الفرص ويسجل الا لما غير عن طريقة لعبة المعتادة .

ك مستوى الهلال بمباراة اليوم افضل من النصر بمباراة امس
النصر مشكلته مو مباراة او ثنتين , مدرب جديد + تخبطات ادارية + رواتب متأخره
النصر لو فاز الاحد بتكون اجتهادات فردية من اللاعبين .

هذا وانت ماشفت المباراة حقت النصر امس حكمت ان المستوى مو احسن من مستوى النصر امس

بصراحة من خلال مشاهدتي لمباريات الهلال من مباراة الديربي لم يكن الهلال المتعارف عليه في الأونه الأخيرة ولاتقولين لي يرجع الهلال في المباراة وش الفايدة لم يدخل في شباكك 4 أهداف وترجع ب 3 أهداف ونهايتها خسارة !! الخسارة خسارة سواء رجعت أو قلصت النتيجة ! ومع كذا ماشاء الله عليكم يالهلاليين كبرياء عندكم بأن فريقكم أفضل فريق ،،
في مباراة الاتحاد و مباراة اليوم مع القادسية بدت ملامح الخسارة و الجهد الكبير اللي قدموه لآسيا توضح عليهم وشي طبيعي كل فريق لازم ينخفض مستواه بعد جهد كبير وخسارة كانت مبنيه عليها أحلام كبيرة والأكثر من كذا سالفة الاحتجاج تضغط الجمهور و الجمهور يضغطون اللعيبة و اضغط المضغوط ويطلع لك مندي << أمزح

لم يكن الهلال بالمستوى المطلوب ومثل ماذكر أخ مشعلي دونيس يتخبط في بداية المباراة ولاحظت في تصريحاته يحمل نفسه الخسارة أو التعادل !

بإذن الله بتكون مباراة النصر و الهلال مباراة كبيرة و أتمنى لا نستهين بالخصم مهما كانت ظروفه فالكره ماكرة ساعة لك وساعة عليك وبعدين ما أتوقع أي نادي بالسعوديه ماعنده مشكلة رواتب اللاعبين والكل عارف هالموضوع !

بس أحب أقول شغله للهلاليين أنتوا ماتلعبون لحالكم التحكيم يلعب معكم وظلم الفرق عيني عينك واضح وضوح الشمس والنصر دفع رباعي أجل هذا أيييش

تواجد مميز و الحمدلله إنك رجعتي للنقاش في المجلس وجهات نظر أتمنى ماتاخذينها من جانب التعصب ،،

تحيآتي و تقديري لشخصك ..~