[ALIGN=CENTER][TABLE1="width:95%;background-image:url('http://cdn.top4top.co/i_82aea76ce61.jpg');"][CELL="filter:;"][ALIGN=center][imgl]http://cdn.top4top.co/i_491cdf0c651.jpg[/imgl]
الضيق ضيفٍ زارني .. ما دعيتهـ
كنه غمرني في " وفاه " وغمرتهـ
وإن ما عمرت من أصدق الشعر بيتهـ
وإلا سكـــت .. ولا غلــــطت ودمرتهـ
جرحي .. وله مني صبرت، ورضيتهـ
وحزن ملأ عيني لـ عينه .. ذخرتهـ
الوقت تمدح هرجة الناس صيتهـ
وأنا ما أشوف إلا تجهّم غبرتهـ .. !!
ليته " تجمل " فـ أول العمر ليتهـ
إن كان يمديني .. رضيت وشكرتهـ
كم قلت لي شيءٍ وأنا ما بغيتهـ
وكم شيء أبيه .. ولا قويت وذكرتهـ
إلا غرامك لا ســــرحت .. ولقيتهـ
في درب بالي دون ما أشعر نثرتهـ
على الورق .. يمكن لو إنك قريتهـ
تدري عن اللي في " غيابك " شعرتهـ
جفني على جمر السهر كم حديتهـ
وقلبي على رمضا الرجاء كم جبرتهـ
واذا سهيت .. ومال دمعٍ كنيتهـ
صديت عنه وقبل ألومه .. عذرتهـ
كل عرف جرحك وأنا ما حكيتهـ !!
أخاف أقوله .. واعتبرني هجرتهـ
خله بـ قلبي .. كل ماضقت جيتهـ
وإلا متى ما جيت فـ البال .. زرتهـ
إلى هنا .. قلي وش اللي نسيتهـ
عن حال حالي في جفاك وخبرتهـ
إلى هنا .. ما قلت شيء بغيتهـ
واللي " تعبت " ولا قويت وذكرتهـ
علم يخايلني .. وأنا ما سقيتهـ
أخاف يظهر .. ونتقاسم ثمرتهـ ..|| ~
[/ALIGN][/CELL][/TABLE1][/ALIGN]