|
رد: همسآآآت رباعية الأبعــــــاد #
والله انّك بـ الغلا ما يشبهك إلا الرياض
كيف وانت اللّي سكنتك مثلها من خَـْلقتي
من عرفتك ما عرفت لنيتي غير البياض
وانا من قبلك تـضيع بوسط جوفي نيتي
كل عرق ٍ بي تشرّب من حنانك لين فاض
بالغلا واصبحت اشوفك في ملامح دنيتي
الله يحلك حبيبي لو تـورّدني حياض
المنية / كـنّي آرد في روابي جـنـتي
عن خطا الايام تكفى يا هوى بالي تغاض
دام ما للوصل درب الا مشت له خطوتي
من كثر ماني احبك قمت اسولف للرياض
عنك من اول عـيونك لين آخر غـربتي !!
|