ملتقى طلاب وطالبات جامعة الملك فيصل,جامعة الدمام - عرض مشاركة واحدة - موضوع اكاديمي عام طلاب وطالبات المستوى السابع تعالوا هنا شوي

صــدى الـأمـل · 2015- 11- 11

اقتباس:

المشاركة الأصلية كتبت بواسطة moubark

السلام عليكم ورحمة الله وبركاتة

دفعتي العزيزه كلام في خاطري وودي اقوله .. بصراحه هالترم موضوع الكويزات حسيته مبالغ بزياده وخصوصا المجهود الشخصي ( هل الي وضع الاسئله بمجهووده الشخصي هو الي بيحط لنا اسئلتنا او الدكتور ) والله مااقلل من مجهود اخوننا لاكن اتكلم عن المصلحه العامه الان ادخلو المستوى السابع وشوفو اول الصفحات كم موضوع للكويزات المشكله هنا الطلاب الي يدخلون قبل الاختبار بكم يوم ماراح يعرفون ان فيه مواضيع مهمه كثير راحت في الصفحات عشان هالكوزات بالنسبه لكلامك ياهنادي اشوف يفتح موضوع مذاكره لكل مقرر افضل من الكويزات والله كثرة الكويزات تلخبط والطلاب بيتلخبطون منها قبل الاختبار وبتسبب تعليق وثقل في الملتقى

#ملاحظه المقررات الي تغيرو دكاترتها هذي يحتاج لها كويزات شخصيه بحكم مافيه اسئلة #

اخر شي انا ذكرت وجهة نظري الشخصيه واسف اذا ازعجت احد فيها ومع تمنياتي لكم جميعا بالتوفيق

اقتباس:

المشاركة الأصلية كتبت بواسطة [wael_212]

مبااااارك كلامك جميل وراااائع...

اقتباس:

المشاركة الأصلية كتبت بواسطة ام مووودي

اممم اتفق معك اخوي مبارك بجزء من كلامك واختلف بالباقي
يعطيك العافيه انت دائماً سباق لفعل الخير
اتفق معك في ان الأعضاء اللي دخولهم للملتقى قليل وحاجتهم للمواضيع المهمه انها تكون بالصفحه الاولى احسن من تنقلهم بين الصفحات بس ماشاء الله المواضيع المثبته ماتضييع كل شي موجود فيها وواضح والعاده قبل الاختبار بكم يوم تفتح هنادي الله يعطيها العافيه او اي احد من الأعضاء موضوع مذاكره جماعيه تخص الماده ويتم طرح جميع مايخص الماده ونتناقش بكل شي مبهم بالنسبه لنا
اما اختلافي معك بخصوص كويزات المجهودات الشخصيه جميييييع الأعضاء بدون استثناء اللي يعملوا كويزات جزاهم الله عنا الف خير وبتكلم عن نفسي بصراحه أستفيد من الكويزات الشخصيه وخاصةً اللي تحتاج تركيز اكثر من الكويزات تبع الاسئله السابقه للدكتور موزعه حسب المحاضرات تدري ليه لأني بعد كل محاضره أمسك ملف الاسئله تبع الدكتور وأراجع منها وارجع للكويز يكون نسخه من الملف حتى بترتيب الخيارات فخلاص مجرد اقراء السوال اعرف موقع الاجابه قبل لااشوفها لانها رسخت ببالي يعني لو يتغير ترتيب الخيارات شوي عشان الواحد يركز احسن
وبالنهايه الله يعطيكم العافيه جميع كل عضو وعضوه أفادنا لو بحرف ماراح يضيع اجره عند رب العالمين

اقتباس:

المشاركة الأصلية كتبت بواسطة فوق السحايب

الله يسعدكم دنيا و آخره يا هنوده و طموح شايب ع إهتمامكم
من رأيي كلام مبارك صح
و الله في كويزات أشوفها ما كأني ذاكرت المحاضرة ولا من أسلوب الدكتور و بعض الكويزات راائعة منها كويزات المنادي الله يسعده

اقتباس:

المشاركة الأصلية كتبت بواسطة أبـو ناصر

يعطيكم العافية جميعاً بلا إستثناء
وأخص بالذكر الأستاذة هنادي والأستاذ طموح شايب
وجميع أفراد الدفعة المتهورة فرداً فرداً

أنا مؤيد نسبياً لكلام أخونا مبارك وبالأخص نقطة اللي ما يذاكرون الا قبل الإختبار، يعني بصراحة وللأسف انا من الناس اللي ما أذاكر الا قبل الإختبار من ضيق وقتي والسفر خارج المملكة لإرتباطي بالعمل وغيره.
والصراحة وصلت للمستوى السابع وأنا ما أذاكر الا أسئلة الإختبار للأترام الماضية للمادة نفسها وماشية الأمور سهالات معي والحمد لله (إلاّ عاد اذا تغيّر الدكتور

أمممممم النكبة) ، صحيح بهالطريقة جبت العيد في بعض المواد لكن الأغلب درجات جيدة جداً وممتاز الحمد لله وما حملت ولا شي ههههه. فـ الكويزات والله مالي بها علم ولا قد جربتها وأتمنى منكم النصيحة والتوجيه حسب خبرتكم الكبيرة في هذا المجال ودمتم.

وفقكم الله وسدد خطاكم وجعل عملكم شافعاً لكم يوم الدين

اقتباس:

المشاركة الأصلية كتبت بواسطة * Sarah *

والله أتفق مع خيي مبارك .. << طبعاً أنا بعد أعتبر بنيتكم

أنا شخصياً ما أستفيد من الكويزات نهائياً ..

حتى إني أشوف إنها تسوي زحمه وترفع ضغطي ؛
وأشوف إني في حلها قاعده أضيع وقتي وجهدي
اللي ممكن أستثمره في مراجعة الملخص الأساسي << أفضل

حتى كويز العملي تبع المحاسبة .. ما كنت أبي أسويه
لكن لأن في كم شخص طلبه .. اضطريت على مضض

ولأن بعد فيه طلاب ما يرتاحون إلا لما يحلون الكويزات
يشوفون إنهم يقيمون مدى حفظهم ومذاكرتهم بهذي الطريقة

وكل واحد منا يسوي اللي يريحه ويفيده .. والله يوفق الجميع

مع إن هالترم زودوها حبتين
وأخاف في وقت الأزمة ما نقدر نتدخل المنتدى بسببها .. بس بعد نقول بكيفهم

لكن إذا مراجعة عامة لكل الناس ما أؤيد أبداً ..

لأن الكويزات محصوره لأهلها .. يعني أنا ما أحبها وش أسوي ؟؟
.. ما أحضر المراجعة !! .. << ما بينفعش

عشان كذا أقول المراجعة تكون زي العالم والناس .. سؤال وجواب أون لاين

....

إيه .. هنوده احسبيني في مراجعة المحاسبة الإدارية

بس ياليت أكون في آخر الجدول ..

.. عشان يمديني أخلص أشغالي وأجي

انا معاكم ....

وبرضوا اللي بيختاره الجميع بنكون معه ..

اذا اسعفنا الوقت ان شاء الله