|
رد: فــ@ـــد ... وأشياء أخرى ...
اليوم قعدت الف يالسيارة انا والاولاد والمدام وفتحنا المجال للذكريات ..وسويت نفسي اب ديموقراطي وخليتهم يتذكرون المواقف القديمة اللي صارت لهم ..طلعت كلها طيحات ومستشفيات وغرز 
وقعدنا نعلمهم بحركاتهم وهم صغيرين مثلا ولدي البكر اذا زهقنا من صياحه طلعناه في السيارة ولفينا فيه كم شارع وما نلتفت الا وهو بسابع نومة ..وكل ما قلت سالفة على واحد منهم ضحكوا الباقين واللي يضحك استلمه واجيب خفاياه ...
حتى الصغيرة صارت تشاركنا وتعلمنا عن ذكرياتها يومها صغيرة ...مصدقة نفسها هههه واحنا معطينها على جوها ...
قالوا لي وانت علمنا بسوالفك ...قلت ابشروا
يوم كنت في المتوسط توعدني واحد انه بيدبغني في (الهدة) بصراحة انا واحد مسالم ..وهو انشط مني ..قلت ما بدهاش يا ولد لازم نستفزع بأحد ..وفعلا كلمت واحد من اللي امون عليهم قلت العلم سلامتك فيه واحد متهددني اليوم وابيك معي ..قال ابشر ..وطق صدره الرجال ...قلت شديد !! ويوم طلعت من المدرسة وبصراحة كنت خايف لكن على قولتهم (ما دون الحلق الا اليدين ) حدني هالولد على المشاكل ..وصرت امشي واتلفت يمين يسار أدور غريمي وينه ..الا ..لا لقيته ولا لقيت اللي بيفزع لي...طلعوا كلهم ..مثلي واردى
|