المشاركة الأصلية كتبت بواسطة f-fatimah

ومساء الخيرات عليك اخوي


اولا ابعلمك طريقتي وبعدها ابعطيك الانطباع



كيف ذاكرتها !؟

اخذت الجزء النظري من ملخص فهد ذاكرته حفظته ، بعدها رجعت للمادة من اول محاضرة كمراجعة ومذاكرة للجزء العملي بالمرة

المحاضرة الاولى نظري مجرد مراجعة لها بعدها انتقلت للثانية ، راجعت الجزء النظري وبدات احل الحالات العملية في ملخص فهد وبعد كل تمرين اراجع مدى صحة حلي من الملخص انتهيت من الحالات العملية انتقل لأسئلة اختبر نفسك بالملخص وممكن نتعداها لانها موجودة بملف ام جهاد الله يجزاها خير ، بعدها انتقل لملف ام جهاد احل الاسئلة وبالنسبة للاسئلة العملية اغطي الخيارات الموجودة وابدا احل المسألة وبعدها اتاكد من حلي من الملف






انطباعي العام للمادة


مادة حليوة بالنسبة لمادة محاسبة ومقارنة بمواد المحاسبة السابقة هي الاسهل ، لو فهمت القصة تعرف تحل اي سؤال مباشرة حتى اذا نسيت قانون من قوانينها ، وعشان تسهل عليك المذاكرة قسمها نظري وعملي ، الجزء العملي معظمه تطبيق لكل البربره اللي تلاقيها بالجزء النظري فلو مافهمت ايش يقول بالنظري بتفهمه اكثر بالتطبيق وبالمذاكرة في الجزء العملي واثناء حل المسائل ، وللتسهيل اكثر خذ هذا التقسيم

الاولى +الثامنة + 14 : محاضرات نظرية بحته

من 2-7 عملي وكلهم مترابطين وتقريبا ماتقدر تفهم الثالثة ولا السابعة الا لما تفهم الثانية لانها هي الاساس لهم

من 9-12 عملي وهاذول كلهم نفس الفكرة تقريبا وتجمعهم المحاضرة 8 ومكملين لها لكن عندك المحاضرة 9 اعتبرها عنق الزجاجة اذا عديتها بتعدي اللي بعدها بكل سهولة وسلاسة ، بالبداية بتحس مو مفهومة ومو قادر تربط شي فيها بس خذها كذا على روااق ومخمخه وحبه حبه بتدخل براسك وتفهمها

13 عملي لكن مختلف شويه عن اللي قبلها لانها تتكلم عن مراكز المسئولية اللي هي بمثابة رقابة على المحاسبة الادارية


اخر حاجة حفظ المصطلحات وماقصرت ام جهاد ادرجتهم بالملف ،





ونصيحة اخيرة


اثناء حل اي سؤال اذا غلطت بالحل بس شوف وين غلطك وارجع حل المسألة وفكر فيها وكأنك تشوفها اول مرة وركز على كل كلمة بالسؤال واقرأه من اوله لآخره وركز على اخر السؤال هو المطلوب ، وربي يسهل لك ويوفقك ولا تحط ببالك انها صعبة عشان ماتصعب عليك ، وبعد الانطباع هذا انت حسب مقدرتك حدد الوقت اللي يناسبك اذا 6 ايام او اقل او اكثر بالنسبة لي هذا ثاني اسبوع لي وانا بالعملي كل يوم محاضرتين مع مذاكرة مادة ثانية وانت وترتيبك






بالتوفيق ونتمنى انو وصلنا انطباع كويس مو مخيف ^_^





......