المشاركة الأصلية كتبت بواسطة F-fatimah

اللي ماعنده طموح مايروح يموت اخوي هتان ، يروح يصنع له طموح يحط بباله هدف بس مايحدد مسار واحد للهدف بحيث لو مامشى فيه يتحطم بالعكس خلي عينك على هدفك وامشي بطريقك وكل ماتقفل عليك الطريق شوف منفذ ثاني تكمل به طريقك لاتوقف ، اذا عندك هدف معناها عندك طموح عندك شي معين تبي توصله بذا الحياة واذا ببالك شي تطمح له ف تطمن انك لسه عايش بهالحياة ، مو شرط طموحي مثل طموحك عشان تقول ماعندك طموح ، الطموحات تختلف من شخص للثاني والاهم من هذا كله هو اصرارك واجتهادك للوصول لطموحاتك ،


صارت عندك ظروف تأخرت عن الجماعة لكن ما يعني فشلك وانو كل اللي بدفعتك اشطر منك بالعكس هذا دليل تمسكك بطموحك تبي تدرس وتتخرج وتمسك الشهادة ببالك هدف يعني وعندك طموح ولازلت متمسك به رغم كل الصعوبات اللي واجهتك الى الان ، الان انسى اللي سبب تأخيرك وامشي بطريقك ولاتناظر ورا لان اذا كل مرة تناظر وراك بتتأخر اكثر ، لاتشوف كم خطوة مشيتها وكم خطوة مشت فيها الناس قدامك وتحسس نفسك بالعجز والفشل ، شوف بكل خطوة مشيتها انت ايش انجزت فيها وايش تبي تنجز بالخطوة الثانية ، في ناس عندها قدرات وامكانيات انها تمشي بسرعة وناس تخطو خطوة كبيرة وناس تقفز وناس لا خطوتها صغيرة لكنها ممكن تنجز اكثر من غيرها



انت هتان يا اخوي متاكدة انك قادر تخطو خطوات كبيرة وتنجز فيها انجازات عظيمة لكن عندك مشكلة وحيدة وهي ( التذمر من احداث الماضي ) اللي راح راح انساه يا اخوي وشوف قدامك شوف مستقبلك ، الحياة تمشي ماتوقف لأي احد والحياة مافيها حظوظ فيها شي اسمه ارزاق من رب العالمين والسعي على العبد واسعى ياعبد واسعى معاك ، كن مع الله يكن الله معك اسعى واجتهد وبتقدر تنجز الكثير ويمكن تنجز بشكل افضل من دفعتك اللي سبقتك ولاتخلي اقل حاجة تهد حيلك وتحطمك





انسى كل شي راح وركز بالجاي خلصت النص وبكرا النص الثاني بيخلص بلمح البصر وربي يوفقك ويسهل امورك




وخلاص لاترجع تقول متاخر ومو متاخر ومش عارف ايش ابيك ترجع وتقول لي انجزت وفعلت وسويت وحققت غير هذا الكلام ماابي اسمع منك ، بعد الاختبارات تعال قل لي يافاطمة حليت كذا وكذا وبعد سنتين اذا ربي كتب لنا عمر صور لي الوثيقة


يلا روح افتح ملخصاتك واترك الملتقى عنك شوي وذاكر ، تذمر مابي اسمع منك تذمر ابي تفاؤل اكثر حماس وجد ونشاط يلا يالطيب انا نفسي تحمست ، وشارك بالمسابقات سواء خلصت المادة او ماخلصت ابي اشوفك حاضر وقت المسابقة اذا عندك مواد مشتركة معنا

.......