السلام عليكم ورحمة الله وبركاته
انا بعلمكم طريقه انا استخدمها والحقيقه اني استفدت منها وقادتني اغلب الاحيان الى الاجابه الصحيحه واللي بعد فضل الله وتوفيقه خلّت معدلي عالي ولله الحمد والمنّه.
الطريقه كالتالي :
بما ان الاسئله كلها "أختيارات من متعدد" والاختيارات 4 فأن احتمال انك تصيب الاجابه الصحيحه = 1 الى 4
لذا .......... اول شي تسويه بعد ان تقرأ الادعيه المستحبه والدعاء للنفس والغير بالتوفيق
تقرأ السؤال زين "وخذ وقتك" لقراءة السؤال بتمعّن ....
بعدها رح للخيارات, وهي 4 اختيارات طبعا, ابحث عن الاجابه اللي مالها أي علاقه بالسؤال "طبعا هذا ما يتم الا اذا كنت مذاكر مضبوط"
بعدها بتكون الاختيارات عندك 3 يعني انت زدت احتمال تحقيقك للاجابه الصحيحه من 25% الى 33.3%
وبكذا انت تكون "كافأت عقلك" بأنك قربته للاجابه الصحيحه اللي بدال ما يدور الجواب بين 4 خيارات صار يدورها بين 3 فقط.
وبعدها قد يتمكن عقلك من استبعاد خيار ثاني فا ترتفع النسبه الى 50%
الاختبار 120 دقيقه لو قسمتها على الخمسين سؤال بيكون للسؤال الواحد 2.4 دقيقه
يعني خذ وقتك وركز بالسؤال
وطبعا ارجع واقول ان الطريقه هذي لا يمكن تنجح اذا ما كنت مذاكر 100% وتمكنت من الماده وفهمتها فهم جيد.
نسيت اقول لكم ...... انت\انتي اذا مذاكر زين بتوصل للاجابه الصحيحه بدون استبعاد لأي خيار من الخيارات الاربعه, لكن ان اقصد الاسئله اللي ماعندك فكره مبدئيه عن الجواب الصحيح فا تبدأ عملية استبعاد الخيار الخطأ
بالتوفيق للجميع