|
غنٌت بك الورقا
غنٌت بك الورقا من الولف يابيت
جرت لحونٍ تلفت انظار سالين
ساقت على مغليك ضيقه وتنهيت
وعادت به الذكرى على ناس غالين
كانوا بوسطك ورحلوا حيٍ وميت
واليوم ماكنه نزل فيك حيين
هذي معالمهم لو اني تناسيت
وتنوح بيبانٍ لها فوق عقدين
وهذي رسوماتٍ بها كم تهنيت
وهذي كتاباتٍ بكلمه وثنتين
هنا رسمت القلب والسهم رزيت
تعبير عن قلبٍ سكن فيه روحين
هذي حروف صويحبي فيك خطيت
وهنا نسولف واثرنا اثنين هاوين
هنا الوداع وصافي الدمع هليت
هنا نحيبه ماكتفى بدمعة العين
بعده نظمت الشعر بيتٍ ورى بيت
لو هو درى والله لتبكيه بيتين
ابكيت قبله بيض الاوراق وابكيت
حرفٍ عصره الشوق له عشرة سنين
ودي اوصلٌه عن الشوق وازريت
تمنعني الشيمه ويمنعني الدين
لكن الا يابيت ياليت ياليت
ترجع تشوف حروفها فيك للحين
سعد الروقي
التعديل الأخير تم بواسطة سعد الروقي1 ; 2015- 11- 23 الساعة 04:28 PM
|