2015- 11- 25
|
#8
|
|
مشرفة المستوى الثامن علم اجتماع سابقاً
|
رد: مهر المرأة (أكذوبه .. بالدليل!! )
اقتباس:
المشاركة الأصلية كتبت بواسطة حفـيد وايـل
السلام عليكم ، ،
قال الرسول صل الله عليه وسلم (إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير )
حقيقةً وبالله أسألكم . . ماهي الأسئلة التي راودتك عندما جاء الخطيب يطلب يد ابنتك ؟ وش فخذك !؟ وش وظيفتك !؟
اولا ياعزيزي , بالنسبة لسؤال وش فخذك مايذكر لكن الاصول لازمه خصوصا اننا في مجتمع قبلي وتحكمة عادات وتقاليد , فيه قبائل تتناسب لاقتراب العادات والتقاليد وفيه قبائل ماتصلح تجتمع لابتعادهم عن بعض بالعادات وبالتصرفات ,
وبالنسبة للوظيفه مافيه اب بالدنيا بيفرط ببنته وهو مايدري الرجل اللي اخذها بيقدر يعيشها عيشه كريمة ويوفر لها احتياجات بيتها او لا . ولا ننسى حديث الرسول اللهم صل وسلم عليه " يامعشر الشباب من استطاع منكم الباء فليتزوج )
المهر في الاسلام هو اي شيء رمزي قلاده أو شقه أو بالكثير خمسة آلاف وليس منوطاً بالمال وحده
ولا يوجد أصلاً اتفاق على نوع المهر وسعره ايضا
ومن السنة تقليل المهر فقد قال الرسول صل الله عليه وسلم لرجل أراد الزواج : « التمس ولو خاتما من حديد » متفق عليه .
ماذا لو التمست الآن خاتماً من حديد أو حتى من ذهب وقدمته لها .هل تقبل !!؟
تقول النساء ان الغلاء يعصف بنا وحتى الخمسين ألف . . هي فعلاً لاتكفي !!؟
بالنسبة لحد المهر شرعاً ماله حد ومن حكمة ربي ان ماجعل له حد لان العالم تختلف بالغنى والفقر .
لكن اذا بتتكلم بالشرع مايحق لك تحدد وتاخذ من الادله ما يتماشى مع فكرك . الله سبحانه ذكر في كتابة : {وَآتَيْتُمْ إِحْدَاهُنَّ قِنْطَارًا فَلاَ تَأْخُذُواْ مِنْهُ شَيْئًا} والقنطار المال الكثير او الذهب الكثير ويساوي بعصرنا 50 كيلو تقريبا . صحيح ان البركة بتيسير الامور بس مانقدر نحرم شغلات هي مباحة ومذكورة .
يكون الدور على الاهل بتيسر الامور خصوصا اذا كان رجل كفو ليست هنا الطامه الطامه الكبرى ان المرأة فوق المهر الفلكي والذي لا يجوز شرعاً لها توهم نفسها ان لها حقوق أكثر وهي ان تطلب اكثر مثلاً . . . فوق المهر تطلب منزل خاص بها !!؟
انتبه تحرم ما احل الله وتدخل نفسك بمتاهات شرعية انت بغنى عنها
المراة لها حقوق على الرجل اللي هي النفقة والمسكن والمهر . سواء جناح مهيئ او طلبت منزل خاص يظل من حقوقها وهذا يندرج من ضمن اتفاقات العائلتين . ومافيه بنت ماتتمنى يكون لها منزل خاص وتستقر وتكون أسرة وتدير بيتها بالشكل اللي رسمته في بالها من قبل الزواج .
يقول ابن تيميه من زاد(( صداق/مهر)) ابنته فوق صداق بنات الرسول او صداقه لزوجاته
فهو جاهل واحمق لان الرسول صل الله عليه وسلم بناته وزجاته اكثر شرفاً وقيمه من بنات من يزوجهن باكثر من ذلك .
قالها ابن تيمية ولكن تظل وجهة نظرة لكن مايقدر يحرم هالامور اللي ذكرها الله سبحانه والرسول اللهم صل وسلم عليه
المرأة تقنع نفسها بشكل لا واعي انها ستباع لهذا الرجل فمادام انها ستباع ستطلب أكثر ..!؟
ما رأيكم ؟
المهر انوضع اكرام للمراة بالشرع وبكلامك هذا قاعد تتعدى شرعاً ,
ولو فرضا المرأة تزوجت بدون مهر ؟
نفسياً للمرأة وش بيكون ؟ اذا كان هذا بيع بيكون الشق الثاني منه رخص !
لو ماحسيت بجدية الوضع وخطورة الاقدام على الزواج وانك دفعت وسعيت واكرمت البنت اللي رضت فيك ماراح يكون لهالزواج أي قيمة ومثل ماجت هالبنت تجي غيرها .
سبحانه له حكمة بتشريع المهور منها ظاهر قدامنا ومنها ممكن نجهلها وسبحانه اعلم فيها واعلم بحالنا لو ماكانت مشروعة .
+ جميع اللي انت ذكرته ربما انه واقعي ويحق لك تتكلم بس لاتقرن وجهة نظرك بالشرع
اللي انت قاعد تتكم عنه عادات بعض العوائل او جماعتك بالزواج , بس مايحق لك تعمم تفكيرك على الشرع .
+ بالنهاية اشوف نماذج كثير تتكلم عن المهور وارتفاعها وهم أول مايتوفر معهم مبلغ يجيب لهم زوجة حجزو على اوروبا وقضوها سياحة . وبعدها يرجع مطفر ويسوي هاشتاقات ويسبب أزمة في جميع الاماكن
|
|
|
التعديل الأخير تم بواسطة .Perfect ; 2015- 11- 25 الساعة 01:24 AM
|
|
|
|