|
رد: الأحصاء للإدارة ـ البث المباشر الثالث والاخير
اقتباس:
المشاركة الأصلية كتبت بواسطة اجتهادات
أول شيء صحيح الاختبار كان مب واضح كثير وفيه أسئلة من صياغتها
عن اللي بالمحاضرات ما عرفنا نحلها >> قال بيرجع يناقشها معنا ويراجعها
ثاني شيء قلتوا المحاضرات بعيده والصوت مب واضح > اللي كانت بعيدة محاضرة وحده أما الصوت ارفعوه من اعدادات الصوت بجهازكم
ثالث شيء قال بيعطيكم القوانين وبتكون المحاضرات الباقيه مراجعه والدكتور قاعد يحاول يصلح
اللي صار بالاختبار الفصلي >>> اللي قالت خل صدرك رحب طيب هو سمعلك مع انه كان أسلوب
مهين له بحكم انه دكتور اولا وبحكم أنه ترا مب بعمرك احترام السن واجب
الاحترام واجب والنقاش الهادي هو أفضل حل وعلاج للمشكله الصوت العالي وش يفيد؟
تنافخون فيه أسلوب مب حضاري وخصوصا أنكم (ربات بيوت اللي كلمتوا ومعيلين من أصواتكم
مب صغار )
آخر نقطه ولمستني كلمته البعض اتجه للملتقى وهو ما فتح شيء ولقى المقابل التذمر
( افتح ثم احكم )
مع الأسف حنا خذينا نمط من الدكتور محمد وما رضينا ذا السنه إلا يكون الدكتور
ماشي على نهجه وذا غلط كل دكتور له أسلوبه بالشرح
والجمع بالكلام غلط لكل واحد عقل ومخ وتتفاوت نسب الاستيعاب يمكن مشكله من عندي مب من عند الدكتور...
ورسالة اعتذار واجبه للدكتور على اللي صار اليوم ولو حد غير قطع الاتصالات وتوكل
كلنا كبار مب صغار لازم نعرف حدود النقاش الله يرضى عليكم 
|
تصدقين اجتهادات
ارسلت للدكتور المثنى رسالة اعتذار عن اللي حصل اليوم
مع اني مقدر وضع البعض ولكن عيب والله عيب اللي صار
الاستاذ احساسي انه يبي يصلح شي ويتعاون ومن قال انه بيحط القوانين المهمه فهذا دليل على انه يبي يقدم شي للطلاب ولكن فوجئ بالهجوم الوقح
وبخصوص نوره كلامها ماعجبني ابد ... وفهمت النقطة اللي تدور حولها وقالتها في النهاية تبي توضيح اسئلة الاختبار بالضبط ... اول عذرها المادة ماتساعد وبعدين تقول المدرسة الخصوصي الساعة ب 200 او 300
ومرة تقول ما اعرف ايميله و في كل محتوى موجود الايميل هذه شكلها مافتحت المحتوى ولا المسجلة اصلا ... اعذار غبية
المهم فشلتونا بعضكم ولابد من اعتذار جماعي للدكتور باقرب فرصة ... مو عشان شي ... عشان صحيح البعض غلط عليه بالتقليل مع الاحترام و التقدير ...
|