|
مع ام ضد خادمات من بلدك ...!!
السلام عليكم ورحمة الله وبركاته
ما اشعل الفتيل لهذا الموضوع
تزايد القصص عن الخادمات التي لا يغفل عنها احد ولا يعقل ان احدا لم يسمع بها
وارى ان الخادمات يزيدون تفننا وتألقا في انواع الاذى الذي يقدمونه
وقد صدمنا للتو من خادمة ( بيت احد الاقارب ) بيتهم بيت عايله كان لا يخلى من داخل وخارج بيت صغير
ليس لديها حتى غرفه خاصه بها
والجده تجلس من الصباح الساعه 6 ونومها خفيف كثير
واحيان تنام الخدامه معها بالغرفه واحيان لا
والبيت فيه 3 شقق لاولاد الجده وعيالهم نازلين طالعين
لكن قبل ما تمشي فتشوها شافوا كم ورقه فيها " بلااااااااااوي " بكل معنى الكلمه
استغرب متى عندها الفرصه انها حتى تكتبهم
اكتشفوا انهم تكلم تلفون واشياء مالكم فيها .....
وماهم متأكدين اذا تطلع برا البيت او تجيب احد
والله الخربانه خربانه لو تسكر عليها الف باب <<هذا اول ما قلته بعد ما صحيت من الصعقه
صعقه قويه بجد كانت تسلم وتحيي وتسولف وتسأل حتى الاقارب البعيدين
اه بس من نفاقهم ... قلت خلاص ما نبي خدامات
لكن طبعا عارفين بيتونا هالايام والمشاغل والموظفات ما يستغنون
وبجد احيان من غير ما ندري يكون في بيتنا .. عاهره .. واعذورني على هالكلمه اسفه يعني
لكن بجد ما تدرون جايه من اي سجن من اي مجتمع من اي اهل واي تربيه
وين كانت وش تسوي ...
صكت في نفسي الدنيا يعني مضطرين نجيبهم عندنا ..مافي حل!!
لفت انتباهي راي زوجة عمي قالت لو في سعوديه اخلاق تضمنها تجيك الصبح تنظف وتطلع احسن
من الخادمات الشرق اسيويات المجهولات من كل النواحي
--------------------------------------
هنا في موضوعي اليوم ابي اشوف تقبل مجتعنا ( من خلال ارائكم ) للخادمه المحليه
لن اكتب الكثير هنا بل سادع لكم المجال لمناقشه النقاط كما تشاؤون
وسأعرض بعضها _ من باب التمثيل لا من باب الحصر _ للمساعده :
1-هل انت مع ام ضد ؟ولماذا وضح اسباب الرفض ومميزات الموافقه
2- ما رأيك في تقبل الرجال الخليجيين لهذا الامر ؟
3- ان طلبت الخادمه المحليه اجر اكثر هل تمانع ؟
هذي النقاط الي جت على بالي
وانتظر تفاعلكم
|