ملتقى طلاب وطالبات جامعة الملك فيصل,جامعة الدمام - عرض مشاركة واحدة - المحاضرات زبدة المحاضرات المباشرة الأربعة موجودة هنا

Doremi · 2015- 12- 1

اقتباس:

المشاركة الأصلية كتبت بواسطة كارزما

.
.

الحين ليش ماتحطين لي كل مايخص النظام الاجتماعي هااه ؟؟؟

نسيت !

ما حصلت الا هذا

النظام الاجتماعي المباشرة 4

على بالي موجوده بتخصص علم الاجتماع قلت الحين أحصل لك مجلدات

اقتباس:

قتلتني الصورة هههههه وربي كتبت كم رد ومسحتها لقيت اني بتهاوش مع العالم .

كنت بأنبسط عليه ، كلامك درر

اقتباس:

اذكر باول السمستر ادور مناقشات نظرية الترجمة ولفيت القسم ومالقيتها لان تغريد
كانت منزلتها صورة راحت من مركز الرفع .. ورحت دورت بقوقل ولا توفقت لان المنتدى الي جنبنا كان
مهنق خخخخ بعد ماعجزت حطيت تساؤل بالموضوع بقسم 5 شوية اعطتني بنت رابط
من الوناسة لوهي قدامي حبيت راسها ..
الزبدة اني سويت مجهودي ولما عجزت طلبت وربي وانا مستحية
وتشوفين العالم لامجهود ولاذوق ولامنفعة بالعكس اسلوب يستفزك تلمين قشك
وتذاكرين لنفسك وانتهى .. لو تدخلين تجمعات المستويات وربي تشوفين عجب
اذكر الي دخلت عليكم بنظرية الترجمة .. ووحدة بمادة السمستر الي راح وصلت فيها
تتهم وحدة من الدوافير الي تفزع للكل انها .... مع دكتور المادة لانها قالت لها الدكتور شرحه جيد وماعليه كلام
ولما نصحوها الي يخافون الله حشرتهم معها .. وكل مشاركاتها ووين ذا ووين ذاك
ولحقوني مو فاهمه شي .. طيب ليش ليش يا مسلمين قل خيرا او اصمت .

سالفه نظرية الترجمة مؤلمة .. وين عقلها بالله؟

أهم شيء لحقوني !! اشرحولي !! قبل الاختبار بيوم عاد؟نبي نذاكر يا صديق

فيه شيء مهم بالنسبه للناس الي عندهم معلومات ولا يشاركون فيها.. ترى عادي ترسلون لنا واحنا نكتبها باسمكم ونوجه الدعوات لكم ، ممكن الرسائل أسهل عليكم من الردود، لا تسلمين ولا تسألين عن حالي ولا شيء ، ارمي معلومه وامشي وربي ما أشره عليك ولا برد عليك لو تستحين

ليش قلت هالكلام؟

لأن فيه ناس عندهم مشكلة يكتبون رد، وحده أعرفها معرفة شخصية تدرس بجامعتنا ادارة أعمال.
تقول أحس انه شيء كبييير و ثقييييل اني أشارك أو أقول شيء، حتى ما أعرف وش أقول
علشان كذا لو عندها معلومه ما تشارك الناس بها !! وتشوف الي يشاركون أكييييد أنهم فاضيييين ولا ما كان تحملوا هالمشوار على قولها. وعلشان عندها عيال تقول خلي البنات الفاضيات يكتبون ماعليهم

ياشيخه أولا ً مب لازم تنسيق ولا مقدمات ولا سلام عليكم، عندك شيء مفيد اكتبيه لو ان شاء الله بالبنغالي ، ندعي لك وتتوفقين ، تحلين أزمه وتنحل لك أزمه .. وربي ماحد يشوف تنسيق ولا يفكر بالاسلوب

أما بالنسبة للي يقولون البنات الي مب متزوجات خليهم يشتغلون.. علشانهم فاضيات على قولكم، تراهم مكروفات أكثر منكم ، أقرب مثال أنا كل ما طفشت أمي عزمت مليون حرمه كل حرمه عندها مليون بزر بثر وغير المطبخ الي يتحول منجم ، والبيت بعد ما يروحون يتحول إلى الصناعية ، وشغل البيت اليومي من غسيل لكنيس لتمسيح هالغبار الي ما يخلص ، و لنفسي عليّ حق ، غير المذاكره ..

قال ايش قال بنات = فاضيات

الموظفين أعذرهم لأن الدوام فعلا ً شيء مهلك.. بس عاطله بالبيت وعندك ولدين أو 3 في صحه وعافيه (جسديا ً و عقليا ً ) وزوج معافى ومب ظالم أو مستخف ، خلاص احمدي الله و لا تنعتين نعم الله عليك بالظروف علشان ما يبتليك وتصير عندك ظروف من جد.

خلاص آخر مره أتحلطم .. الي وصلته الرساله وصلت وجزاه الله خير والي ما وصلته معناها ماراح توصل في دار الدنيا فما راح نزعل باقي الأعضاء الموقرين الساكتين بهذا النوع من المواضيع مره ثانية

المعذره وشدو حيلكم ، الاختبارات بعد اسبوع وأتمنى من كل قلبي التوفيق لكل الطلاب والطالبات حتى الي فوق الي تقول عنها كارزما، الي اتهمت البنت

موفقه والله يهديك بس

مدري من جد وين عقلك