ملتقى طلاب وطالبات جامعة الملك فيصل,جامعة الدمام - عرض مشاركة واحدة

Ninna · 2015- 12- 1

اقتباس:

المشاركة الأصلية كتبت بواسطة م.س.القحطاني

السلام عليكم ورحمة الله وبركاته

اخواني واخواتي
الله يسعد اوقاتكم بكل خير

بخصوص الاله الحاسبه اللي تدخل معنا ومسموح فيها
ممكن تحطون لي صور لها
وغير الرياضيات فيه مواد تحتاج الاله <<واضح موب مذاكره

واتمنى من اللي قد اختبرو رياضيات وغيرها من المواد يجاوبوني

وابي منكم نصائح وارشادات لكل المواد تفيدوني وتفيدون الجميع فيها
كل شخص هنا يجي يقولي
خصوصا لمادة الرياضيات

تكفووووووون محتاجه دعم نفسي وكلمات تشجيع طمنوني

خايفه وقلقانه من الرياضيات يمكن لاني ادبي

وب التوفيق لنا جميعا الله يسهلها علينا

وعليكم السلام ورحمة الله وبركاته

مساء الجد والاجتهاد

بالنسبة للآلة بتحتاجينها بالماث والمحاسبة والاقتصاد

وبخصوص انك أدبي وشايله هم ,, ترا انا أدبي زيك وكلنا بالهوى سوا

وترا طول عمري ماطيق الارقام والمعادلات وهالخرابيط لكن هالمرة شلت كل هالكلام من راسي حتى ماصرت اردده بيني وبين نفسي

وبس قاعده وأعيد اني قدها وبجيب ال A+ .. امانتن لسه ماخلصت من المادة لكن بديت فيه قبل فترة وحسيته سهل والدكتورة ماشاء الله عليه شرحه حلو

قمت تركته وقلت يابنت روحي خلصي الاصعب أول هذا واضح انه هين

* الله يستر *

ومسكت المحاسبة وخلصته مو صعب بالعكس أحسه حلو لكن يبغاله تركيييييز مع الشرح وترجعين تشرحين لنفسك وتحطين نفسك بالموقف وتشرحين لنفسك وتتخيلين انك صاحبة منشأة وكذا يعني

*ابد ماشطحت بالخيال*

وانصحك تشوفين شرح عبدالرحمن المحارفي ع اليوتيوب

بعد ما خلصت المحاسبة مسكت الاقتصاد وما أدراك ما الاقتصاد الجزئي

يبغاله صبر وطولت بال ومخ مفتح و تكرااااار لين تستوعبين المعلومة وتثبت
صراحه انصحك تبدين فيه لآن احس يبغاله وقت أطول من باقي المواد

اما القانون والادارة صراحه تاركتهم آخر شيء لانهم حفظ أكثر من الفهم ويمديني عليهم ان شاء الله

بالنهاية ترا اذا قعدت تقولين وتكررين انا أدبي ماراح افهم الرياضيات عقلك الباطن بيثبت هالكلام ولا جيتي تذاكرين بتلاقين عقلك مقففل

وكلامي عن تجربة كنت زيك اول لكن هالمرة قررت اغير اسلوبي مع نفسي واخلي كل كلامي ثقة وتشجيع وان شاء الله نشوف نتيجة مرضيه على هالتعب

وبالآخير اتمنى ان كلامي قلل من خوفك وقلقك وشجعك ع المذاكرة ومايكون قرقر ع الفاضي

بالتوفيق لنا جميع وفالنا الA+ بإذن الله