|
تجربتي مع مواد المستوى السادس واجتيازها بa+
بسم الله الرحمن الرحيم
صباح الخير جميعا
حبيت احط لكم تجربتي مع مواد هالسمستر اللي اعتبره (سمستر التفوق) ولو صرتو بالمستوى السابع رح تذكرو هالكلام
- مادة تاريخ الخليج العربي الحديث المعاصر : طبعا المادة فيها كمية معلومات كبيرة تعاملت مع هالمادة كأني اقرا قصة وبفهم وبعدها حفظتها باسلوبي لأن دكتور هالمادة تحديدا مايهمه الحفظ الصم قد مايهمه ان المعلومة وصلت وذاكرناها وراجعنا لاحظو (راجعنا) اسئلة الاعوام اللي فاتت ودخلنا الاختبار.. اتذكر وقت توزيع الاوراق قالت المراقبة الله يعينكم ويوفقكم بس اسم المادة يسد النفس وتفاجئت انه تقريبا بربع ساعة كانت القاعة كلها مخلصة اختبار جابه سهل سهل سهل الله يسهل عليه امور حياته كلها.
علم اجتماع البيئة والعمل التطوعي : كان دكتورها واحد اسمه دكتور صابر ونظامه كان يجيب الملزمة من أولها لاخرها ومافي شي محذوف وبنفس ترتيب الملزمة وبشكل واضح ولا يلف ولا يدور وللأمانة نادرا محد ينزل عنده عن 100 والحين جا بداله دكتور ثاني اتوقع اسمه حسام كمان رائع رائع واسئلته سهلة لأنه يعطينا بمستوى سابع وثامن واساسا هالمادتين جميلة جدا
علم اجتماع السياسي : الدكتور فهد طريقته يحب الفهم والحفظ مع بعض ويقول لنا دائما ان في مواد تحتاج قدرات عقلية معينة لكل مادة في بعضها بس فهم وبعضها حفظ وبعضها حفظ مع ربط وفهم وهكذا .. بس جاب لنا اختبار الله يسعده ويوفقه زي العسل وواضح وسهل ولا يخوفكم احد من الانطباعات ركزو بالاسئلة والاجابات ومحاضراته المباشرة وكل شي يقوله واضمن لكم اي بلس
التدريب الميداني 2 : نفس الموضوع اهم شي اضمنو المشاركة ودرجات التقارير صمو الملزمة وادخلو الاختبار الجميل حقه والاي بلس بيدكم
نظرية المعرفة : مادة غريبة عجيبة ماعرفت اتعامل معها لاحفظ ولا فهم فيها معلومات مدري كيف . طريقتي امسك كل شريحة اول كل جزئية واحط لها اسئلة متوقعة واحفظها .. وصديقتي حفظتها غصب من غير ماتفهم وجاب لنا اختبار واضح وسهل مع ان الانطباعات كانت محبطة بس اللي حل كويس مارح تهمه الانطباعات وانا وصديقتي كل وحدة لها طريقة انا جبت 98 لأني ضعت باسم عالم وهي اتوقع 96 الفكرة ان المادة بيدكم توصلو فيها للأمتياز
علم اجتماع الاعلام - بناء وتنمية القدرات : اذا دكتوركم للحين حسن ابو زيد اجل الاي بلس بجيوبكم مايحذف ولا يكرر من العام بس اسئلته ممتعة وسهلة ومامنه خوف ولا يلف ولا يدور
اعتذر للاطالة بس حبيت اعطيكم هالمعلومات لأن هالمستوى ممتاز جدا لرفع المعدل وعلى دسامة المواد بس فيها نتايج مرضية والله يوفقكم جميع يارب
التعديل الأخير تم بواسطة فرح علم اجتماع ; 2015- 12- 2 الساعة 04:41 AM
|