.
ودي اشوف نصراوي جريئ ينتقد فريقه بدون مايتلكم بالتحكيم والاعلام .
كذبه صدقوها وصارت شمّاعة لجميع اخفاقاتهم .
نصرك ياعزيزي لاتتعذر فيه باللاعبين المصابين , بالنهاية على كلامكم بالسابقه تملكون فريقين والنصر بمن حضر !! ,,
الدوري توه يبدا الموسم بعد استراحة 3 شهور وعليها ؟ اي ارهاق اللي تتكلم عنه ؟
لو فرضنا فيه ارهاق على البعض عندك لاعبين ماهم مرهقين واول مره ياخذون فرصتهم باثبات نفسهم . مختار , فتيني , مايغا , هزازي , عكاش , الزبيدي , مادو ,,, وينهم هذولي وش انجازاتهم اللي سووها بالنادي ؟
السطوة الاعلامية الان يمارسها النصر واعلامة اكثر من اي نادي سعودي اخر عندك اقلام تسيّر الشائعات ضد النوادي الاخرى عشان تزعزعهم نفسياً . اعلامك انشغل بالهلال عن نادية وانتقاد نادية ,, اتمنى القى اعلامي بس جريئ يطلع وينتقد عمل الادارة وقت اخفاق الفريق , ودي يطلع فيصل بن تركي ويقول الادارة تتحمل اخفاق الفريق , مافيه اكبر من ضغوط اعلاميين النصر حالياً ابتداءاً من اتهام سالم والعابد بالمنشطات وانتهاءً بالشمراني وشراححيلي وماانسينا سالفة تي شيرت سالم ولا نسينا مانشيتات صحف نصراويه بالعابد وغيرها الكثير لكن مازال اعلام النصر يبث سمومة من تحت لتحت .
المندوب على كلامك لاطلع النصر اختفى الهلال ولا اختفى الهلال طلع النصر مع احترامي الشديد لك المقارنه صعبة .
الهلال بأسوأ موسم له العام وقبله اللي الانتقاد له وصل لاعلى مراحل الانتقاد , كان الثاني والثالث ومنافس على جميع البطولات ,
النصر الان من بدى الدوري بين الثامن والسادس !! , النصر بأيام سقوطة بالدوري ماكان يوصل للثالث حتى .
النصر ماله الا يقشع الجهاز الفني والجهاز الاداري ويعيد النظر باعضاء الشرف غيرها لايحلم انه يتسنع حاله