المشاركة الأصلية كتبت بواسطة كارزما

.
.


ابشري خل اوصل لها بس انا على اعتاب العاشرة
ادعوا لي بس ربي يعجل فرجها والمذاكرة تبعي تكن راكزة وتنشب
بقاع المخ والمخيخ وابشروا بنشب لكم انا وشرحي الشاطح
عموما شفت كم سؤال ع الطاير له واضح انه حبيب يعني مش بطال
شوي تركيز ونسلك .


.
.

ياختي ماجاني صبر اخاف انسى وماعاد ارد عليك
نطيت على 12 هي عن الاستعارة معروفة حتى بالعربي عندنا
اني استعير كلمة علشان اوصل فكرة معينة فعندنا استعارة تصريحية
واستعارة مكنية مثل لما اقول احمد أسد هل فعلا هالشي
لا استعرت كلمة اسد للدلالة ع الشجاعة والقوة
رأيت أسد يتكلم صحيح هالشي لا لكن استعرت صفة من صفات البشر
وحطيتها للاسد لغرض ما .
بالمحاضرة اعطاك مفردات كلها تستعمل مع الفلوس
استعملها مع الوقت علشان يبين لك ان الوقت مهم جدااا وله قيمة
زيه زي الفلوس بالضبط بل اثمن

+
فيه استعارات اجنبية شهيرة مثل
he sht down all my arguments
المعنى أسقط كل حججي

الاستعارة وين ؟؟ في sht down ليش ؟؟
لان المصطلح ذا ممكن نستخدمه علشان نقفل الشي بشكل نهائي
لما تطفين الكمبيوتر يسألك وش تبين اسبات والا شتدوان تكتمين نفسه يعني
فالمعنى انه ماخلى له مجال قفل عليه كل الاعذار
كيف يعني شرطن فمه مثلا لا لكن اقنعه بالمنطق ان حجته ضعيفة
يارب اكون فهمتك <-- اشك
واقري باقي الامثلة وبتتضح لك الصورة ان شاء الله