|
رد: مٱ دٱم ٱلرگن هٱدي ولابه عبث وإزعٱج ,,نويت أرگن هموم ٍ من ٱلدنيٱ تزعجنـي
لا تستغرب اذا كنا وسط صوره تخاوينا
وصارت أمنيات ايامنا ..أجمل من الصوره
انا عمرك اذا شاب اللقاء واقفَت خطاوينا
كذا دامت محبتنا لو الجنحان مكسوره
بقايا عطرنا . . الاول تعاتب ما بقى فينا
من اللي يرضي ( الميت ولَه ) غير أقدم عطوره؟
تبكينا كثير اشياء ما كانت تبكينا
لو اخفينا ملامحنا . . تجي الدمعات مجبوره
نعيش لخاطر .. اللي علمتنا به ليالينا !!
( مادام قلوبكم بيضاء . . ترى الاحضان مقدوره )
يدينا عاشت الغربة / وحنّا نملك ايدينا
عقب ماكانت الكفين .. مضمومه ومنثوره
نبي نسهر عيونك يالفجر نضوي وتضوينا
على شباكنا. . كنا معك أوفى من طيوره ؟
نبي حاضر ينافسنا على لحظات ماضينا
نبي نقرا .. من الآخر على هذا العمر سوره
أغانينا كتبناها … وكان الموج يغرينا
و ماتت في حناجرنا اغاني الشعر وبحوره
أمانينا غرسناها على تربة حكاوينا
و قطفنا دمعها لين انحنت الاغصان مقهوره
يا امانينا .. نبي غيثك .. عسى طاهرْك يسقينا
عقب ما جفّت عْيون اللقاء .. واندفت زهوره
تلاقينا على الذكرى لو احنا ماتلاقينا
كذا طبع الحبيب اللي يعيش بْصادق اشعوره
عطينا الجانب الأجمل من الصوره لامانينا !
عشان تْعيش امانينا … اذا طحنا من الصوره
|