المشاركة الأصلية كتبت بواسطة moghtrb

اولاً شكراً من قلبي على اسلوبك الخلوق جداً بالرد وهذا بعد الله أثر تربية والديك عسى ربي ينولك برهم بالدنيا ويجعلكم بالفردوس الأعلى بالجنه يارب...

بالنسبه لكلامك اتفق معاه 200٪ ولا كان ردي من باب ان الطلاب مالهم حق او الدكتور له الحق بطريقة الاختبار.. اقسم بالله العلي العظيم ان طريقة اسئلته تافهه جداً جداً ولا ترقى لطريقة دكتور يعلم كيف يُقدم اختبارات ( هذا شيء اتوقع الكل متفق عليه )..

ردي وكلامي وانا اخوك من باب الدعاء عليه والزعل لدرجة انه بعض الطلاب والطالبات يطلع منهم كلام مليونين بالميه مايقولونه بالحاله الطبيعيه بسبب الاسلوب اللي جاب الدكتور فيه الاسئله.

لكن لا اخفيك ردي كان من باب القياس على نفسي ( بسبب اني اهملت الماده واهملت المذاكره طوال الترم بعذر وبغير عذر ولا اذاكر الا الان وهذا خطأ كبير مع ان وقتي يسمح الحمدلله بالمذاكره من بداية الترم ولكنه الاهمال للأسف)
حيث اني ذاكرت ليلة الاختبار المحاضره الاولى واخذت من وقتي للأسف 4 ساعات تخيل في محاضره وحده ولا اعرف وش باقي بالمنهج لذلك توترت ورميت الملخص وطلعت اغير جو واسهر من اخوياي وكانت النتيجه اني رجعت البيت عقب صلاة الفجر ونمت الى صلاة الظهر ( ما كأن وراي اختبار ) وذاكرت من الساعه تقريباً 2 الظهر الى الساعه 6 المغرب فقط قراءه من التوتر والقهر اني ما اعطيت الماده وقتها وبذلت المجهود المفترض مني تجاهها ورحت الاختبار ولا اخفيكم والله انصدمت من سهولة الأسئله ( بتوفيق الله ) وهذا الشي خلاني اعتقد ومن وجهة نظري الشخصيه ان الاسئله كانت سهله ( مع شوية صعوبه على الجميع )...
============

مختصر الكلام ومفاده ان وجهة نظرك صحيحه واتفق معاها كما ذكرت ولكني في نفس الوقت الوم الشباب والبنات اللي يدعون عليه... قريت تعليق قبل فيما معناه ان هذه عقلية ونظرة الدكتور العربي وهذا الشي صحيح فهو له نظرته وخبرته المبنيه على هذا النوع من الاسئله ولكن ليس من حقنا ان ندعي عليه لمجررررررد اسئه هو يراها ( حسب تأهيله العلمي) صحيحه..



ارجع اعتذر للجميع عن تعليقي اذا جرح اي شخص