|
رد: .[ تعرفوا على دكاترة كلية العلوم الزراعية والأغذية *من هنا* ].
هـندسة نظم : عمليونظري اخذتها عند دكتور ( مصطفى عزام ) دكتور قمة في الاخلاق وحبوب وبنسبة لختباراته جدا بسيطه وفوق كل هاذا يحدد وبآشر للأختبار يعني اذا كنت تذاكر اظمن الفل مارك . .
كتابة وتعبير : اخذتها عند ( عبدالله السلطان ) اسآلته للأختبارات اختياريه بس تلحس مخ يعني اللي معي ب كلاس ماحد خذ عنده كامل ودكتور نفسه يقول اخباراتي ماحد ياخذ كامل  حتى بنات برضو ماخذت الا وحده عنده كامل بس مو معناته اسالته صعبه متوسطه ودكتور مقسم 20 للأختبار 15 واجبات 15 حضور مجموع 50 واخبار نهائي من 50 
اساسيات انتاج نباتي : ( عملي ) عند دكتور ( طارق عبدالعزيز شلبي) دكتور في قمة الاخلاق وشرحه جميل جدا واختباره متوسط لاهو صعب ولا سهل بس اهم حاجه تكون مذاكر لان اذا ماذاكرت درجتك راح تكون ضعيفه لان اختباراته مقاليه وعدد مافي اختيارات ولا صح وخطأ
وبانسبه ( للنظري ) قسم المحاصيل ( محمد عبدالعزيز سعد العبد السلام) دكتور لابأس فيه واختباراته عباره عن صح وخطأ
وقسم البساتين ( صالح التركي ) دكتور يكفي ويوفي في الشرح يعني معلومه تدخل غصب في راسك في محاضره  وبانسبه لاختباراته مقاليه ماتذاكر تروح فيها 
اساسيات الانتاج الحيواني وسمكي : ( عملي ) لقسم مجترات ودواجن اخذت عند دكتور ( شاكر بدر الصويغ ) دكتور قمة في الاخلاق وبانسبه لشرح خفيف ولطيف ماقد اخذنا وقت محاضره كامله كلا يطلعنا قبل ماتخلص وقت محاضره بساعه .gif "(204)")
وبانسبه لقسم الاسماك ( عملي ) اخذتها عند دكتور ( عبدالله القعيمي ) دكتور بمختصر ميه ميه 
اكيد الحين تقولون كيف لكل قسم نختار دكتور لا بس مجرد ماتاخذ دكتور شاكر بيجيك بقسم السمكي دكتور عبدالله 
وبانسبه ( للنظري ) اخذت عند دكتور ( عبدالوهاب سعيد ) دكتور يدرس قسم واحد اللي هو مجترات دقيق في المحاضره وموعد التحضير 
وطبعا قسم دواجن يختلف الدكتور وقسم السمكي برضو يختلف يعني ثلاث دكاتره يدرسون عملي وكلهم اسألتهم سهله يعني اذا تبي فل مارك ذاكر تبي تنجح وبس احضر وفهم 
ملاحظه : قسم اللي يحس انه مظلوم في الدرجات في نظري وخصوصا قسم دواجن يراجع دكتور لانه كان حاط لي صفر من عشره وحاطه يم رقمي اكاديمي رحت له يقولي انت غايب  قلت له حضرت وختبرت بعد قال اختبر مرا ثانيه طبعا قلت له بنفس لحظه بختبر الحين قالي تهدد قلت لا بختبر الحين وين تهديد !!
قالي تعال مكتب رحت وعطاني ورقه قلت له نفس الاسئله قالي لا غيرت شوي وهو ماغير منها ولا حاجه عاد من غبنه ماحليت وقلت طلع اوراق الاختبار متاكد اني حاضر ومختبر طلعهم وطلع ورقتي قالي 8 من 10 .gif "(269)") وطبعا مااعتذر ولا شي  وعدل لي درجه 
|