|
رد: عاجل وهام جداً جداً بطلاب وطالبات ادارة الاعمال
اقتباس:
المشاركة الأصلية كتبت بواسطة مريم الميموني
يعني اذا دفعنا يمشونا بالبركه
منطق غريب صراحه
انت دفعت عشان وقت الاختبارات يكون مناسب لك
مو عشان يسهلون لك!!
انا مايقهرني الا اللي يقول حنا مو منتظمين
وش يفرق المنتظم عنك ؟ عنده عقل غير اللي عندك
خلونا منطقيين واتركو عنكم التشكي بعد كل اختبار
وكلو امركم لمن بيده التوفيق
|
منطقك انتي اللي غريب
اول مره اعرف الانتساب يدفعون عشان يحطون لهم وقت الاختبار بما يناسبهم مررره جديده علي
وتوني اعرفها منك جزاك الله خير فطنتيني على شي ماكنت اعرفه
ماطلبنا من احد يمشينا بالبركه على قولك ولا يبيع ذمته على قول واحد من الاخوان
اذا انتو اختبرتو معنا دوليه وسلوك وتشوفون اننا نتذمر ونشتكي من فراغ ف والله فيه خلل
الرسول اللهم صل وسلم عليه قال ماكان الرفق في شين الا زانه او كما قال عليه الصلاه والسلام
احنا نبيهم يرفقون بنا ويخافون الله فينا
يجيبون اسئله واضحه من المنهج لا يفردون علينا عضلاتهم اللغويه والعلميه والعمليه وباللف والدوران ومابين السطور يجيبون الاسئله
مصيبه والله اذا احنا الطلاب بيننا من يذم من يطالب بابسط حقوقه
اقل حق لنا ك طلاب انتساب مراعتنا من حيث ادراك تفاوت الفهم من شخص لشخص
ومن حيث صعوبة استيعاب كل المواد بهذا الكم لا يخفاك ان نسبه مو قليله من مناهج ادارة اعمال عملي ويبي له فهم واغلب الدكاتره جزاهم الله خير منزلين المناهج من سنتين او ثلاث
ولا بكل حال من الاحوال جميع الطلاب او من عنده سؤال يستطيع ان يحضر مباشره وان حضر ربما لا يستطيع السؤال
هناك عوائق كثيره تعيق طالب الانتساب ولا اعمم
ولكن لو لم يكن هناك عائق او مانع وش بيخليه يدرس انتساب كان درس انتظام من اول وافتك
اللي طالبنا به يجيب اسئله فقط على قد شرحه ماطلبنا كثير
بس يقراء المنهج قراءه ويجيب من بين السطور وين العدل والمنطق هنا ...!!!
اخيرا اختي الكريمه انتي وجميع من تذمر او شاف ان مامعنا حق اذا انتو قدراتكم ماشاء الله هائله لدرجة انكم ما استصعبتو شي اوقفو مع اخوانكم الطلاب ك مساعده وعون للمطالبه بحقهم والله في عون العبد ماكان العبد في عون اخيه حبو للناس زي ماتحبون لانفسكم
وبكل الاحوال احنا موكلين امرنا للحي القيوم بيده كل شي سبحانه
بس مايمنع نسكت عن حقنا بعد
|