ملتقى طلاب وطالبات جامعة الملك فيصل,جامعة الدمام - عرض مشاركة واحدة - مذاكرة جماعية &&& // ...مجلس مذاكرة المقال

Tawah · 2015- 12- 14

اقتباس:

المشاركة الأصلية كتبت بواسطة mema.m

الرجاء عدم التطنييييش

نداااااااء لأصحاب القلوب الرحيمة

اكسبوا اجر فيني والله لأدعيله من قلبي اللي يساعدني

ممكن فاعل خير يحدد لي النقاط المهمة في كل محاضرة

يقوللي ايش اللي ينحفظ في كل محاضرة

قطّعتي نياط قلبي

..
من جدّ مو عارفة كيف تذاكرين ولا إنتي تذاكرين لكن تحسين إنّ عقلك مايجمّع ؟!
أنا أرجّح إنك ذاكرتي لكنّك تحسين إنك مو مذاكرة

- هذا حالي على فكرة

- ..
يكفي كآبة وتحليل نفسي

, ذكري الله وصلي على النبي وروّقي أعصابك شويات ..

شوفي هو جزء من المحاضرات يتكلّم عن البارجراف وأجزاءه ووظيقة كل جزء ..
وجزء آخر من المحاضرات يتكلّم عن المقال اللي هو مجموعة بارجرافات أصلًا ونفس الشي متكلّم عن أجزاءه ووظيفة كل جزء .. وفيه بعد كيف تضيفين معلومات من مصادر خارجية وكذا ..
إذا عرفتي البارجراف وأجزاءه والمقال وأجزاءه ووظيفة كل جزء وقتها تكونين خلصتي ثلاث أرباع الماده تقريبًا ..

يعني هي شوية تعريفات على شوية تعداد على شوّية أمثلة وتمارين والقطع اللي شايلين همّها أحس مالها دور في المقرر تقريبًا , يعني ماشفت سؤال من الأسئله فصفص فيها القطعه وكذا ..
يعني فيه قطع علشان يوضح إنه أستخدم الإقتباس المباشر وقطع يوضح إنه أستخدم الإقتباس الغير مباشر وقطعه فيها أمثلة وإحصائيات وكذا وقطعه مافيها أمثله وقطعه يبيّن فيها إنه أستخدم الكي ناونس وقطعه إستخدم فيها الضمائر بدال الكي ناونس ..
إنتوا لاتشوفون القطعه و " تنصرعون " فهموا هو ليه جايب هالقطعه , هي مو مثل الإنشاء والتعبير نحفظها صمّ وكذا , لا ..
يعني بخصوص القطع , إذا بيجيب عليهم سؤال شنو بيسأل ؟!
إنا نحدد التوبيك والكونترول أيديا والكونكلودينج سنتس , أبركها ساعه والله

..
وحسب كلام الطلاب اللي قبل إنّه " ماتعدّى " المحتوى يعني مارح يفاجئنا بقطع خارجية ..

شوفي إذا ذاكرتي حلّي الكويزات اللي حطتهم الفاطمة - ولا تستعجلين في الإجابة - ..
لو إنّي أدري من البدايه إن هذي مشكلتك كان جلسنا نسولف عن المادة ..
أتمنى لك التوفيق من أعمق أعماق قلبي , شدّي حيلك ..
سوّي اللي عليك والتوفيق بيد الله ..

أنا أعتب على نفسي وعلى كم طالب \ طالبة , كنت متفائلة فيهم لكنّي أشوفهم الآن معيّدين

..
حقهم طبعًا , أنا ما أحب أفرض شي على أحد , كل واحد حرّ بنفسه ..
لكنّ اللي ذاكروا وسووا عليهم أتمنى إنهم يتفائلون شويات ويخلون التوّتر ..
كنت متوّترة لكن مابقى شي عالإختبار ودخلت آخذ لي جرعة تفائل من صيدلية المنتدى >> سارقة فكرة العبارة من القضايا

المهم إنّي تفاجئت بكميّة الإحباط وبـ جاك أورجن

..

ذكروا الله وصلوا على النبي , سووا اللي عليكم والتوفيق بيد الله ..
والله ما أدري شنو كتبت بالضبط لأن الأفكار متضاربة في راسي من فرط المفاجأة

..