بالعكس يا أحمد
صح فيه نسبه كبيره يلجأوون للأسئله السابقه لكن أغلبهم مب مهتمين بالمعدل يبون النجاح وشهاده بأي معدل..
فيه نسبه لا بأس بها وأنا منهم يذاكرون المحتوى ولا يرجعون للأسئله السابقه
إلا عند الدكاتره الي يكررون ويقولون لنا نذاكرها مثل الشناوي ..والحين مستوى سادس ومعدلي جيد على هالمنوال لأني أذاكر بضمير فما يفرق يكرر ولا لا.
وبعدين بتقول لي أني ختمت المنهج 4 مرات وما أقدر أميز الأسئله الي برا المنهج أو من المنهج؟
وانت ذاكرت الأسئله السابقه مع رؤوس أقلام وحليت؟ شيء حلو الله يوفقك بس لا تتهمنا أننا مصعبين الموضوع ..
أولا ً هو أكد لنا أنه ما بيكرر ( ولا يحق له يكرر من أسئلة الدكتور السابق لأن المنهج مختلف
ولو ذاكرناها تلخبطنا عالفاضي ، حتى أنه شقلب بعض الأسئله يعني الي حافظ الأسئله
بيتوهق لأنه مب فاهم )
ثانيا ً أسئله الترم الماضي إذا أنت ذاكرتها وحليتها تضمن أنها صح؟ ترى طلاب الي حلوها مب الدكتور..
راسلناه علشان يحل لنا كم سؤال ، ولا رد !!
وتمارين المحتوى مب هو الي حلها ، حل في المحاضره سؤالين او 3 وطلعت غلط بعد، والباقي يقول حلوها انتم ..
وخرج عن المنهج .. فين المحاضره الي انذكر فيها finite و non-finite؟ نبهني عليها الله يخليك كم رقمها؟
من فين جاب السؤال المريض الي جايب خيارين مثل بعض بس كلمه attach و affixes هي الفرق بينهم؟
أسئلته فيها أغلاط .. سؤال الي جوابه donation لو كنت مطلع على القاعده نفسها من قبل بتعرف أن كل الأجوبه صحيحه لكن مافيه خيار ( جميع ما سبق )
سؤاله الي أجوبته kind - kindness إلخ ، حاط جواب ثاني صحيح وهو king - kingdom..
والقائمه ما تنتهي بس أبي أذاكر لغويات ..
أنا ما أحب أتهم دكتور إذا كنت أنا مقصره ، لكن هذا مقصر وأعطانا كلمه وأخلفها ، وأعطانا حلول غلط ، وفي الاختبار بعد معطينا أجوبه غلط؟
راجع الوضع وتأكد تلاقي كلامنا صحيح ..
خلي عندك شويه أمانه في تقييم الوضع
