السلام عليكم
..
طريقة للمذاكرة وان شاء الله انها مفيده
فرغ وقت وخصصه للمذاكرة .
او اتبع الطريقة وقسم الوقت حسب وظروفك .
1- ( تعرف على المقرر)
تصفح المقرر وتعرف على محتوى المقرر حتى لا يكون مقرر غريب عليك ,
لانه في البداية بيكون مثل لو دخلت مكان جديد و ما تعرف المدخل من المخرج ولكن
اذا تعودت على المكان بيكون سهل جدا ,
نفس الشيء المقرر الافضل لا تذاكر على طول الافضل يصير
بينك وبين المقرر تعارف وصداقة .
بمعنى لا تذاكر وانت مو ماخذ فكرة عن محتوى المقرر ( عن ايش يتكلم او هل هو تعاريف او شرح , اونظريات .. .. الخ
2- ( الفهم )
ذاكر وأقرأ المقرر بفهم اذا قرأت بفهم راح تعرف تجاوب على السؤال اللي يجيك يلف ويدور ,
واذا فيه شيء غامض والا شيء عندك المنتدى اسأل لو سؤال سخبف واعرف انه ممكن احد مثلك عنده
نفس التساؤل .
او ارجع لنفس رقم المحاضرة بالتسجيل واسمع شرح الدكتور لها .
3- ( التلخيص )
المراجعة والتلخيص وهي مهمه
جيب دفتر او نوت بوك مثلا روكو وراجع كل محاضرة واكتب االعناوين
الرئيسة كل ما مريت على عنوان رئيسي بمحاضرة او عناوين فرعية مو شرط تكتب كل المقرر لا
فقط عناوين او نقاط تشوف انت انها مهمه بالنسبه لك والا تبي تركز عليها او تعمل جداول او
دوائراو مخطط
يعني لخص بطريقتك
واذا عندك وقت ممكن تعمل مثل الشجره ولها فروع وغصور
الشجرة اسم المقرر
كل فرع عنوان المحاضرة
وعلى كل فرع اغصان النقاط الرئيسة للمحاضرة .
وهذي الطريقة ممكن تساعد على تذكر مكان موضوع معين في اي محاضرة
( مثال: جاء سؤال عن التحليل فيسهل تذكر موضوع التحليل في اي محاضرى )
4- اسماء العماء
اذا جاء اسماء علماء كل عالم اربطة بكلمه غريبه او جملة اوشيء مضحك والا اسم تعرفه او حرف وغير اسم العالم لشيء ممكن تحفظه مثال .
العالم بيرسلون تكلم عن المضمون
ممكن تكتبها بجمله
شامبو بيرسلون مضمون
5- ( التقسيم )
ممكن تقسم المذاكرة الى 5-5-4 محاضرات
يعني تذاكر خمس محاضرات وترتاح اشوي مو كثير مو بالساعات لا فقط راحة بريك فسحه .
يعني تذكر خمس محاضرات وراء بعض وتبتعد عن المشتتات نهائيا وتتفرغ لمذاكرتها..
مثل ( وش صار بالواتس ,, اخر فيديو بالسناب .. اوتتشتغل عندك شخصية تفقد احوال الرعية بتويتر او غيره ....او اي مشتتات اخرى ..
وبعد ما تخلص الخمس خذ بريك وشوف وش صار بالدنيا وتفقد احوال الرعية
وارجع ذاكر الخمس محاضرات الثانية
وهكذا ,,
ولو الدكتور قال هذا معنا والا هذا مو معنا والا قالك برسلك الاسئلة على االبريد الممتاز لحد بيتكم
لا تصدق
الافضل تذاكر ...
ومكن تطبيق الطريقة على كل المقررات
والله يوفقكم جميعا يارب ياكريم ..