السلام عليكم
اولا شكراً من الأعماق لكل الأعضاء المميزين اللي يتعبون عشان نحصل اعلى درجه ونذاكر بشكل صحيح .. ما قصرتوا كلن باسمه والله يبيض وجيهكم ويجعله في ميزان حسناتكم .
ثانياً موضوع الاختبار صعب او سهل .. انا لا مع ولا ضد ،الأعضاء هنا اول شي متخوفين بعدين متحلطمين بعدين متفائلين ! صدق وش هالتناقض ؟!
اللي ابغى اقوله سواءً كان الاختبار سهل او صعب احنا نفعل السبب ونذاكر والله الموفق .. ومالها داعي المنهج سهل او صعب لأن القدرات تختلف من شخص للآخر وتختلف أصلا خلفية اللغه عند كل احد .. اللي لغته بيرفكت بيشوف دراستنا كلها خرابيط مو بس هالماده .. عشان كذا ياليت الكل يتساعد ويسعى اننا نصل لمبتغانا بدون آراء لا تغير في الحقيقه شي .
اخيراً ياليت اي احد يجاوبني .. عندي مذكرة غاده وبالنهايه فيها أسئلة الأعوام الماضيه تبع الدكتور المعاني ، تعتقدون تفيدنا ولا نخليها ونمشي على ما احنا عليه عشان ما نتلخبط !؟
والله يوفقنا جميعاً ونعدي هالماده على خير ❤️