ملتقى طلاب وطالبات جامعة الملك فيصل,جامعة الدمام - عرض مشاركة واحدة

مجنونة(وعد) · 2010- 7- 25

اقتباس:

المشاركة الأصلية كتبت بواسطة لاتغرك ضحكتي

اغليها غلا روحي
حبك الخير لخواتك وسرد تجربتك
اكيد انه يتطلب بعض الجرأه والشجاعه اللي اهنيك عليها
والحمد لله انك قدرتي تتوصلين لهالشي :g8:

وبالنسبة لاختي مجنونة وعد
انا اول مرة اعلق عالموضوع واتمنى تتقبلين وجهة نظري ..
انا عارفه انك ان شاء الله كبيره وعقلك كبير
وتعرفين ان اي شي يبدا صغير يكبر ..
شي طيب ان شعورك تجاه وعد مجرد اعجاب بشكلها لااكثر
وهالشي طبيعي الله جميل يحب الجمال
والعين مثل مايقولون تعشق الزين والانسان اذا شاف شي حلو
يقول ماشاء الله هالشي عجبني و و و .... بالمختصر انه يبدي اعجابه
بس كون ان شكل وعد عاجبك لاتخلينه يوصلك لمثل ما كتبتي في نكك (مجنونة وعد)
انا اتمنى انك ماتخلين اعجابك لها يتطور لاكثر من كذا ويتحول الى حب
انا ما راح ازكي نفسي واقول اني ما مريت بشي مشابه في مراحل سابقه من حياتي
لاني بالنهاية كنت مراهقه .. بس ليس عيبا ان نخطأ العيب ان نعرف اننا مخطئون
ونستمر في الخطأ :g8:
خلاصة تجربتي ان مافيه اي شخص يستحق انك تعطينه من وقتك وتفكيرك
الوقت هذا تقدرين تستغلينه في اشياء اهم .. عبادة .. ثقافة .. تطوير ذات .. تواصل مع الاهل
نصيحتي انك تجلسين دايما مع اهلك خاصة الاكبر منك لانك راح تستفيدين من خبراتهم..
الوحده والعزله مايجي من وراها الا التفكير والوسواس ..
شي ثاني ابتعدي عن اي صديقه تزين لك الغلط .. لانها بالنهاية بتضرك ماراح تفيدك ..
والله يملا قلبك بحب الله ورسوله وكتابه واهلك لانهم الاشياء الوحيده اللي تنفعك
صدقيني ما قلت لك هالكلام الا وانا عارفه ان فيك من الخير الكثير
وان شاء الله ما يضايقك كلامي وولاتزعلين مني ..
كان ودي اكتبه برسالة خاصة بس حبيت الكل يستفيد
وفي كلام عام مو موجه لك انتي بالتحديد ..
بالنهاية حبيت اضيف تأكدوا ان الحب الحقيقي مو حنا اللي ندور عليه
راح يجينا وحنا بمكاننا بالوقت المناسب ونصيحة لكل بنت لاتفكرين ان الفراغ العاطفي ممكن تملاه بنت زيك .. وحتى لو حسيتي انها تملاه فهالشي غلط ..
وياما بنات اعمارهم فوق الثلاثين للحين ببيوت اهاليهم ماتزوجوا ولاخاضوا علاقه من اي نوع
لا مع بنت ولا ولد والعياذ بالله ومع ذلك عايشين حياتهم ومبسوطين مانقصهم شي ولا ماتوا !!

اتمنى اي وحده تمشي فهالدرب تتركه لانه مجرد (ســــــــــــراب)
وماراح يحقق لك الاشباع العاطفي اللي تحتاجينه ولا اي شي
الكلام الحلو اللي تسمعينه واللحظات الحلوة كلها زائفة وزائلة ..

آسفة عالهذرة الزايدة ..
وتحياتي للجميع

أحبكم

هلا فيك اختي.. كلامك على راااسي ياالغاليه‎
‎