هلا اختي وعليكم السلام والرحمه ...
بخصوص اسالتك اختي :
س1\
الحين النسب القبول لطب تتغير بالدفعات ولالا؟
اي اختي بين كل دفعه ودفعه تنزل النسبه المركبه عن الدفعه السابقه وهالسنه راح تكون 3 دفعات واذا صار فيه مجال لدفعه رابعه راح تصير 4 ..
س2\
اقدر انشط قبولي واحتمال اطلع طب ولا احتمال انزل عن التمريض يعني انشط ولالا شتنصحوني وانتظر ولا اودي اوراقي الحين ؟
اختي اذا انتي انقبلتي تمريض ماراح تقدرين تغيرين الي انقبلتي فيه ولاتقدرين تنشطين اشتراكك واذا مارسلتي اوراقك هالاسبوع راح ينلغي طلبك وماراح تدخلين الجامعه
س3\
ايش اجرأت القبول :
البنات يقولوا لازم نسوي فحص كامل نروح لاي مستشفى عادي ولا لازم بورقة ؟
والحين اودي اوراقي بنفسي ولا بالبريد ؟
اختي الفحص الطبي حق التخصصات الصحيه وانتي انقبلتي بوحده فيهم يعني لازم تسوين فحص وفيه نموذج حق الفحص تلقينه بالموقع ..
وبخصوص اوراقك لازم ترسلينهم عن طريق البريد السريع للجامعه ومو شرط انتي توديهم للبريد
اي شخص يقدر يوديهم ..
فيه مقابلة او اختبار ولا القبول بمجرد الذهاب للجامعة؟
لا اختي مافيه مقابله بمجرد قبولك بالجامعه اعتبري نفسك انتي فيها ..
وهذي شروط وطريقه ارسال اوراقك للجامعه :
وثائق المطلوب تسليمها إلى مكتب البريد الممتاز:
• على المتقدم / المتقدمة الذي تم ترشيحه أن يقوم بإكمال بيانات الاتصال المطلوبة ومن ثم أن يبادر بطباعة نسختين من نموذج إرسال
الوثائق(البريد الممتاز) ومن ثم التوجه إلى أقرب مكتب للبريد الممتاز الذي يقدم خدمة (جامعي) لإرسالها للجامعة.
• المستندات المطلوبة هي:
- أصل شهادة الثانوية العامة.
- أصل شهادة حسن السيرة والسلوك.
- صورة من بطاقة الأحوال المدنية للطلاب (أو صورة من بطاقة الأحوال المدنية أو من سجل الأسرة للطالبات).
- نموذج إرسال الوثائق (البريد الممتاز).
- عدد 2 صورة شمسية (6x4) للطلاب فقط.
- لغير السعوديين من أم سعودية يلزم إرسال صورة من بطاقة الأحوال المدنية للأم وصورة من إقامة الطالب/ الطالبة و صورة من شهادة ميلاده.
ثلاث صور مصدقة للشهادة الثانوية
طباعة نموذج التعهد وتعبئته وتوقيعه يدويا
2 - طباعة نموذج البريد الممتاز
3 - التوجه الى مكتب البريد الممتاز مع الأوراق الأصلية المدونة في نموذج البريد الممتاز
4 - طباعة نموذج اللياقة الصحية " خاص بالكليات الصحية "
تحياتي لك ..