|
رد: إنطباعك قبل و (بعد) الإختبار النهائي لمقرر الإحصاء في الإدارة
اقتباس:
المشاركة الأصلية كتبت بواسطة بندر المحمدي
وين هالدوافير و الدافورات طول السمستر !!!
كان على الاقل تعاونوا مع أخواتهم اللي قطعوا روحهم في كل خطة
لا شفناهم في الواجبات ولا بالفصلي
والان مترززين في الموضوع و تحليلات و نقاشات في شي إنتهى
ماكان ودي اشارك بشي بالموضوع ولكن جد شي مخزي اشوفه واقراه
طلعتوا كل وحدة مخلها يوزن بلد و وقت الحاجة ماكنا نشوف أحد الا من رحم ربي
شكرا فقط لهذه الاسماء:
هدى حسن
اجتهادات
اسوم
سميره الزهراني
عزف المطر
د سويره
بيشو محمد
جوجي
ربيع الكون
جريكم
و2 من الاسماء ناسيهم ولكن كانوا متواجدين بكل خطة وبكل وقت نطلبهم فاعذروني في نسيانهم .
اتشوق لمستوى رابع على خير نشوف المحللات والمحللين الدوافير والدافورات في خطط المواد
|
شفيك علينا ياخوي بندر
دايم اشوفك كذا تنتقد اللي مايساعدون
انا بتكلم عن نفسي
يا الله القى وقت اذاكر واذا فهمت شي سيده اصوره واشاركه بالقروب
هنا الدخول عندي يكون صعب من الجوال
وعلى فكرة دايم في بالي اشارك بماده من بين الخطط
بأي فصل لكني ماكنت اعرف انسق واستخدم
برامج الوورد وغيره
اما الحين الحمدلله ماخذه دبلوم حاسب
وان شاء الله اكون معكم برابع
ترا ارد على كلامك الحين لاني اكثر من مرا اشوف
ردودك نااااقد بقوه ليش مو اجباري علينا ترا
التعاون والمساعده تجي عن طيب خاطر
ورغبه بهالشي ماله داعي اقول انا سويت وفعلت
عشان تعرفون اني طيبه وبسم الله علي
بس اساعد اللي اقدر عليه
وباللي وقتي يسمح فيه
يعني حسيت من كلامك اني مع المقصودين
عموما ان شاءالله ننجح بالماده
مو يعني انه الاسئله كانت سهله
خلاص صرنا دوافير لا اله الا الله
ترا في اسئله اكثر من مما تتخيل جاوبتها تخمين
والسبب للاسف الوقت
وللعلم المساعده ممكن تكون بشي اكبر من خطط مواد
يشكرون عليها اصحابها كل الشكر
احس مو ضروري تعرفونه بس لازم عشان الكلام اللي زي
كذا ينقال يجرح من دون اي اعتبار عند اللي يقولونه ويمشون
يكون عبره في نفوسهم ويلين اسلوبهم شوي
بدعائي مانسيتكم لما كنت اشوف الخوف والتوتر يزيد
والعالم حايسه وبعض الطلاب مو فاهمين ولا شي
حتى مع شرح الدكتور
كنت ادعي بسجودي محد يحمل الماده
لا ومن حملها ينجح فيها بذا الفصل
لذلك ارحموانا من النقد والتجريح اللي تقطونه كذا بلا احساس
مو كلنا وقتنا وظروفنا تسمح نساعد ونسوي زيكم
كأن بعضكم يمن علبنا وحنا نقرا ونشوف كلامكم
يجيني احساس كذا مدري وشلون اوصفه
بس شعور قاسي نوعا ما
وفي الحديث الصحيح : محرم على النار كل هين لين
سهل قريب من الناس
وأحب الناس الى الله انفعهم للناس
يعني اللي يبذل ويجتهد ماينتظر الشكر
ولا يحب الثناء عليه ..
|