اخي الكريم
ماليا :
انصحك بجامعة الملك فيصل هي 2465 كل ترم اذا ماتبي تزيد عن 15 ساعه ولا تدفع غيرها
جامعة الملك عبدالعزيز 3000 ريال كل ترم + تذاكر الطيران + فندق لمدة اسبوعين ثلاثه واحسب الغرفه ما تقل
عن 100 ريال هذا غير المواصلات من والى الجامعه يعني تبي تقفل على الـ 6000 كل ترم اذا مو ازود .
اما جامعة الملك فيصل فمراكز اختباراتهم بالدمام والخبر والقطيف والجبيل ووالرياض .... الخ .. الخ .
علميا ً :
شهادات قويه بكلا الجامعيه ولكن خريج فيصل راح يكون فاهم أكثر من وجهة نظري ومن منطلق شواهد كثيره
فطلاب عبدالعزيز حسب كلامهم يذاكرون وقت الاختبارات من ملازم لا تتعدا 30 صفحه ويختبرون لا محاضرات
ولا هم يحزنون اما فيصل فالطالب المنتسب يفهم اكثر من المنتظم لأن المحاضره بإمكانه يعيدها 70 مره
باليوم لأنها مسجله بكل صيغ وامتدادات اللينك ..
السهوله والصعوبه :
من وجهة نظري فيصل اسهل اذا بتذاكر كل يوم على الاقل محاضره وحده ما تتجاوز الساعه لأن كلا الجامعتين
اسئلتهما ( مالتي شويس ) يعني اختيارات من متعدد فتخيل اختيارات وانت مذاكر كل يوم بيومه ولا اختيارات
وانت تذاكر ملزمه بدن شرح دكتور وقت الاختبارات فقط وهذا اللي حاصل في عبدالعزيز ..
بالاخير اخوي القرار راجع لك ولكن نصيحه لوجه الله صل استخاره وربي بيسهل امورك واختيارك لما فيه
مصلحتك بإذنه تعالى ...
اتمنى اكون افدتك