يسعد مساء الجميع
ما حبيت الاختبار اليوم ولعدة اسباب
منها اللف والدوران تبع الاسئلة والمراقبه الي وقفت فوق راسي
والله المراقبات لهم تاثير على الطالبات بالتعامل
طبعا كل شوي يطبون علي المراقبات يشيكون على الاسم والرقم الاكاديمي......طيب مره وحده وخلاص مو لازم كل المراقبات
وثانيا صارت الساعه 4:50 وجت مراقبة فوق راسي وشافت ورقة التظليل مافي اجابه
قالت لي ظللي قلت لها ايوه الساعه 5 ابدي اظلل
قالت لي لا الحين
قلت لها معليش الساعه 5
وراحت نادت مراقبه وقالت لها خليها تظلل....لانه لو الادراه مرت وشافت انك مو مظلله الحين احنا نتعاقب
قلت لها عفوا معليش خليني اركز
وطبعا المراقبه والله فوق راسي وعينها على الورقه معاي
صارت 5 وبالفعل بديت اظلل
المهم انا عادة امشي صفحه صفحه...ظللت الصفحه الاولى شافتني المراقبه قالت لي يالا ظللي
قلت لها هذه انا بديت اظلل
قالت لا ظللي الي تعرفينه
والحمدلله فكت عني يوم اعلنت المراقبه الي خلصت تسلم الورقه وتطلع
هنا المراقبه راحت عني ...وجع
والله نرفزتني
انا الحين بمستوى 8 يعني اعرف ايش اسوي وانا لي نظامي وطريقتي بالحل
ما قدرت..ما تحملت
ما اقول الا حسبي الله عليهم وربي يسد دربهم