|
رد: انطباعكم عن اختبار الرواية الحديثة
معليش بس بوضح نقطة: اول حاجه، الناس قدرات، فيه الشاطر والذكي والمتوسط الفهم والمتوسط الحفظ ..
واللي مستواه بين كذا وكذا وبرضو فيه الحاذق والعبقري !
اللي معترض ليه بعض الطلاب والطالبات يقولون إنه الاختبار سهل !
طيب ؟ ماهو بكذا مادة تجون أنتم وتقولون سهل وغيركم يقول صعب ..
مثلًا:
اختبار اللغويات التطبيقية، أتكلم عن نفسي، فصفصت المنهج فصفصة !
طبعا ذاكرتها حفظ بدون فهم لأنه تقريبا مادة تميل للحفظ واسلوب الدكتور حفلة ماشاء الله 
أنا طلعت من الإختبار مكتئبة ! واغلب اللي هنا يقولون الاختبار يجنن ..
طيب ؟
كلنا ذاكرنا نفس المنهج، بس قدراتنا بالفهم والحفظ والإستيعاب وطريقة المذاكرة تختلف !
لا احد يجي يقول أنتم تستعرضون وتقهروننا إنكم حليتو زين ..
طيب أنت أو أنتي حطو نفسكم مكاني - مثلا - يوم اختبار اللغويات !
كنت اقرا تعليقاتكم وأقول ياالله شلون سهل ؟
أحس كأني شفت منهج جديد مش اللي ذاكرت ..
لذلك لابد الشخص يصير عنده قناعه إنه الناس تختلف قدراتهم، وبس .. 
غير كذا: الدكتور ترى مش ملزم يجيب لك نفس اسئلة الأترام اللي قبل، هو ملزم يجيب لك من المنهج فقط ..
مب ذنبه إنك ذاكرت اسئلة الاترام الماضية أو الكويزات أو اسئلة مراجعة من اجتهادات البعض منا، لأنه كله اجتهادات ومش شاملة لكل كلمة بالمنهج !
أدري كلن عنده ظروف وأنا أولكم موظفة وملعون خيري بالدوام وماعندي إجازة إلا باسبوع الإختبارت فقط !
لكن برضو بالنهاية الحل يعتمد على اجتهادك ومذاكرتك عندك ترم كامل ممكن تذاكر فيه أو تتطلع على المنهج لو قراية أو أو أو .... كلن وطريقته عاد ..
ماعدا طبعًا الجماري الله يكفينا شره وشر مادته فعلًا غلط والأغلب أجمع على هالشي 
ف فكرو فكرو قبل تتحسبون وتدعون ممكن تكون أنت ظلمت نفسك بطريقة المذاكرة ومااعطيت المادة حقها وترجع عليك الدعوة
|