السلام عليكم و يوم جمعة مبارك هادئ ملؤه الحب و الرضا أتمناه للجميع .
مشكلتي يا جماعة الخير أنه كل ترم من ثلاث سنوات يكون اختباراتي بجامعة الملك عبد العزيز بجدة و في هذا الترم اول يوم كان الادارة الاستراتيجية و للاسف رحت الاختبار من غير ما راجع ايقونة مركز الاختبارات مو أتاري حبايبنا بالجامعة مغيرين المركز و لا ارسلوا رسايل و لا هم يحزنون.
طبعا جامعة المللك عبد العزيز بالجنوب و المركز الجديد بشمااااااال جدة و هات يا حرق اعصاب وصلت المكان بعد جهد جهيد لانه حتى ما كلفوا نفسهم يحطوا لوحة او عنوان المركز الجديد عند الجامعة.
المهم وصلت كانت الساعة 8:35 دقيقة و رفض المراقب دخولي و على حد ما قال ، قال لي لغاية الساعة 8:30 دخلت ناس بس انت اتأخرت كتير ، شرحت له وضعي و الزحمة العجيبة و الحوسة على بين ما عرفت مكان المبنى و لكن للاسف رفض و الصراحة حقه.
الان المشكلة عندي ماني عارف اتواصل مع الجامعة و لما دخلت على ايقونة الاعذار وجدت انهم بيقولوا بعد الاختبارات ما تخلص قدم عذرك و ارفقه بمستندات !!! اي مستندات رح ارفق اصورلهم زحمة جدة عشان يصدقوا !
يا جماعة الخير في احد بجدة صار معاه مثلي !! و شو الحل الان ... للاسف زعلان اني كنت دارس المادة تمام.