وعليكم السلام ورحمة الله وبركاته
الله يعينك ويسهل عليك أمورك ويكتب لك التوفيق والأعانه بجميع أمور حياتك
أخوي الغالي انا سبق ومريت بظروف صعبه جداً جداً ( مرض والدتي ) وكنت وقتها سجلت موادي بس باقي أدفع وأختبر ..
ومرت الايام وحاولت اقدم اعتذار وحاولت اتواصل مع احد بالجامعه وكنت اتصل على رقم الجامعه بس مالقيت الي يفيدني ، لين جاء وقت الاختبار ولا اختبرت ولا ماده ونزلت نتيجتي بكل المواد ( صفر ) وضاقت علي الدنيا أكثر بس بنفس الوقت كنت اقول بنفسي ( مو مهم الجامعه المهم أمي )
وسحبت على الجامعه 3 اترام بعد ماشفت ان المواد كلها نزلت لي صفر وبنفس الوقت كانت ظروفي صعبه يعني المفروض كنت أكون حاليا بـ مستوى 7
بعدها تحسنت ظروفي والحمدلله ولما رجعت دخلت موقع الجامعه قلت بشوف اشيك ممكن ارجع اكمل ، الا لقيت كل المواد الي حاطينها لي صفر محذوفه ولا كأني درست وكأني مقدم عذر وانا ماقدمت !!
من الي سواها لي ماني عارف بس انا متأكد الحمدلله ان هالشي بتوفيق من الله ، والحمدلله على كل حال
أنا علمتك بالموقف الي صار معي ممكن يفيدك بشي ، أو ممكن يخفف منك شوي لأن الأغلب مننا يمرون بظروف صعبه لكن الحمدلله تتسهل وتتيسر بتوفيق من الله
أنت حاولت تراسل الجامعه أو تكلمهم وسو الي عليك ، واذا مافادوك بشي حاول تروح للجامعه بنفسك اذا كنت قريب من الجامعه او حولها ، وممكن يساعدونك بشي ( سو الي تقدر عليه )
بالنهايه أتمنى لك التوفيق وبأذن الله فتره ضيق وتعـدي
( ولا تنسى ذكر الله ) الا بذكر الله تطمئن القلوب ..
فقلت استغفروا ربكم إنه كان غفارا. يرسل السماء عليكم مدرارا